【黑店富臨 x 黑警打壓工會！】
近日好多富臨工友搵工會同 楊彧Yeung Yuk 協助，向無良僱主富臨追數。事緣多名工友在疫情下被放無薪假，富臨以「無工開無糧出又唔俾賠償」的態度，搞到班姐姐手停口停！有關做法已經係涉嫌違反僱傭條例！
富臨工友連日和平追數，但係黑店始終懶理！今日工會同工友就踩上門追數，好多支持嘅人就去「飲茶」！但係 #黑店富臨 唔單止無回應工友，個經理指住工友個鼻，話佢「你請左長病假我都未同你計！」打工唔畀病？請病假有咩可以計？
無幾耐之後，大批軍裝同便衣黑警到場，警告工友「違反限聚令」。工友非常無奈，重問身邊的便衣：點解我來追佢找數，會係我哋犯法啊？
黑警更拘捕了本會組織幹事林小薇和一名 草根．行動．媒體 的記者。她們被押至長沙灣警署，本會已聯絡律師協助。
#防疫為名 #打壓工會 #藍到發黑 #追數都拉 #工會戰線 #抗爭之路
