老公一直都做開啲小生意 近幾年一直蝕落去
佢唔肯面對現實 其他資產已經變賣得7788填數
樓已經一早按埋 再撞埋今年武漢肺炎再加按
我幫老公做埋擔保人
望一望自己份人工同埋差銀行條數
根本就完全幫唔到手 小小都幫唔到
黎緊經濟仲要差 真係好絕望
1個讚
咁你層樓係咪無得住啦? 咁會搬去邊?
誠哥果啲基金幫唔幫到少少
你屋企應該好大壓力
我見連登有類似嘅帖
可能係你小朋友開
唔好亂諗嘢
香港哋最辛苦就係中層人士
最窮困反而大把資助津貼。。。
5個讚
咁嘅情況，你老公應該結束盤生意，搵份工做，好話唔好聽，蝕本生意邊有人做呀，要面對現實，加油
1個讚
問吓可唔以做債務重組，唔好灰心，總有出路，加油
互相扶持，大不了幾年後重新黎過
我單身，有時有錢都唔覺得開心
祝福
我家人早年都破咗，而家生活冇問題，係冇信用卡有啲唔方便。
天無絕人之路，加油！
1個讚
當務之急係盡快cut loss，輸少當贏
而家政府推行百分百擔保, 小企業可以同銀行借貸, 睇下得唔得.
呢D時間的確難捱, 如果真係無方法, 只可以做債務重組.
好多男人做開所謂老細係唔接受自己打返工，承受唔到失敗。
有樓唔好破產啦,賣樓填數得唔得?小生意就執左先,你老公唔願打工都執左間燒錢生意先 
時勢嘅嘢真係唔係人可以掌控， 黎緊全世界大圍經濟都差,最緊要cut loss，唔好再借錢去蝕，兩公婆打工，搬細D，慢慢還，天無絕人之路，人生有無限可能，只要健康唔怕辛苦，一家人齊心唔好埋怨，一切會慢慢好
不過真系要cut loss, 之後等機會東山再起。
諗好如果賣咗層樓會住喺邊度先。 錢係壓力， 但都要諗好日常生活
加油
知道你宜家一定好頭痛同大壓力
幫你唔到，只可以為你打打氣
加油，最緊要兩個人互相扶持
你問題解決左未？
呢個時勢生意唔好, 仲要準備破產, 相信你個心情都好down 好sad, 不過唔緊要啦, 過到今關, 黎緊都一定會更好~