女人40的感悟

我相信有,但唔會講啫。

2個讚

都會有"想"出軌既時候,差在成唔成事

2個讚

我D新朋友都係咁認識,不過識耐左就好少搵~

1個讚

謝謝你。樓都未買到呀:rofl::sweat_smile:

1個讚

我都受過傷,但我仲會追求愛情。

1個讚

咁唔一定買香港樓呀,家陣興英國樓:sweat_smile:

帶頭盔,投資可升可跌,涉及風險

唔識咁多,唔亂嚟了:sweat_smile::laughing:

1個讚

而家疫情就冇辦法啦

平時的話,佢唔搵你,你可以搵佢丫

我好主動約佢地架啦,打波既朋友,我已經BOOK埋場,有D一次都唔出有D就放飛機,咁我咪搵其他朋友去行山/跑步囉~

1個讚

jm 真係好有道理. 一言驚醒洛克人. 令我茅塞頓開

我估jar, 純粹估下, 會唔會係你其實唔係真係咁中意佢?
係都唔出奇架, 都好多女人離婚後發覺其實冇男人都ok.
因為生活上通常都係女人照顧男人多啲. 性方面女人又冇咁需要. 所以其實好多時係男人需要女人多啲.

如果女人衝破左一定要嫁人的迷思, 可能會發覺自己其實唔係真係咁需要男人.

你會唔會只係貪個男朋友好愛你, 好享受被愛. 而唔係真係咁中意佢? 即係只係享受佢對你的好, 而你冇真係好欣賞佢個人, 佢個性格, 外表, etc.

純粹估下. 估錯請見諒

1個讚

都係估下jar. 估錯請唔好嬲. :pray:

咁你會唔會係有啲失去自信. 尤其係上一段戀情令你自我懷疑. 變左今段戀情"竟然"有個比上一個更好的. 覺得不能置信. 於是係咁考驗現任男友, 想證明佢對你係真的?

============================

又或者, 會唔會係, 上一段戀情, 你慣左遷就人. 今次係男友遷就你, 你覺得無所適從?
有啲男人好中意人地就佢, 會係咁表逹自己需求, 咁女人就試下遷就, 有時我覺得呢種人易相處啲架, 因為我知佢想點.
而且係你遷就佢, 可能你壓抑左自己的情緒?

有啲好好先生, 成日遷就女人, 但係自己的需求就收收埋埋, 我反而唔知呢種人諗乜. 然後變左好似女人單方面要求人咁. 搞到個女人好似好公主病咁. 而且今次冇壓抑情緒, 可能你以前都唔知自己有啲咁樣的情緒. 要啲時間了解/釋放/習慣自己的情緒
如果係咁, 可能女人要問多啲個男人想點. 中意啲咩, etc.
另外, 慢慢了解自己多啲, 可能啲情緒會平復啲. 或者做下運動呀, 做其他興趣野都會令個人本身開朗啲. 唔好每一次都用男朋友黎解決你的情緒.

都係估下架jar. 估錯請見諒

你講出左依家女人嘅處境

人年紀越大一定有越多經歷,這是人生經驗, 逃不開,躲不過,坦然面對每一個難關, 經歷時候係好痛苦, 但過去咗之後, 驀然回首, 其實都不算是什麼, 最重要向前看, 人生總有高低起伏, 沒有永遠的高或低潮, 每一個經歷,都會令我們變得更堅強

6個讚

首先自己開心左先. 將注意力分散去事業, 運動健康, 興趣, 家人, 朋友. 只留返部份關注俾男朋友. 久而久之就冇咁執著. 人地咪成日用沙比喻, 你越想捉緊就越流走.

如果你自己過得開心, 其實值唔值得男人愛/有冇男人愛都唔重要, 呢啲係要慢慢黎, 執念邊有得一時三刻就改變.

對人好, 純粹想見到佢開心. 唔好因為驚佢會走而付出. 要在你開心, 唔委屈的情況下付出. 你付出得開心, 唔委屈, 就冇咁計較佢值唔值得
呢啲係循環黎, 佢對你好, 你自然又想佢開心.

慢慢黎啦, 首先將注意力分散去事業, 運動健康, 興趣, 家人, 朋友先. 令自己開心先.

5個讚

加油!人始終有遺憾,試下諗下你現在擁有的,唔好諗太多你失去/得唔到既。
我未到40,但對婚姻愛情已經唔會亦唔想再有信心。女人真係要靠自己愛自己。

3個讚

見老一輩,男人滾完,老黎就會返屋企。因為無錢外面就無女人,老黎外面既女人亦唔會照顧男人。這時仔女大,優勢係女人度,可以唔理個男人。

不過如果係女人有外遇,男人就會咩都無。仔女撫養權在女人處,身家也會分一半。

2個讚

我自己情路都唔“順”架。但係我都覺得開心,有得著架。老土啲講,不在乎天長地久,只在乎曾經擁有

我覺得,人際關係本身就唔保證永久。係可以選擇直接唔要人際關係,冇問題的,唔會死

但係,有人際關係開心啲。唔一定係男朋友,可以係朋友。
其實唔係咁極端,一係就保護膜,一係就交心到當人係終生伴侶。我覺得,個心態好似當朋友咁,我地同朋友相處,都唔會expect一世,可能都係走一段路 ,只要相處的時光係快樂,就已經值得。我地在和每一個人相處的時間都會有得著,互相學習,互相慰藉,互相陪伴。即使將來我或者佢會變,亦都不枉一同走過一段路。

1個讚

其實要求對方唔變,先叫“順”,咁實唔順啦
我都會變啦 ,唔係淨係男人

另外,變左唔再中意自己的男人,係可以係一個好人,只係唔中意自己
一個一直中意我嘅人,可以係一個壞人,純粹只貪戀我的樣貌,我付出的家務勞動,性etc

所以我會傾向用朋友的態度,唔會只睇佢點對我,而係睇佢成個人,佢個性格,價值觀

如果係好人,即使佢唔再愛我,我都想同佢做朋友

如果係壞人/價值觀唔夾,即使佢繼續中意我,我都會疏遠佢

而且會比較睇自己/對方係獨立的人,而唔係我的擁有物

講下講下,講左咁多,唔好意思,其實呢啲係我最近覺得自己諗通的諗法。順便有個地方講出黎

:+1:希望你幸福

仲有一樣,如果你有情緒,好想向男朋友發洩,喺開口之前,深呼吸幾下先。有科學驗證深呼吸可以舒緩情緒。

慢慢黎,唔好逼自己一下子改善,唔好俾太大壓力自己

對男朋友,可以多啲表達感謝。亦都有科學驗證,感謝可以改善情緒,改善關係

每日都花少少時間,試下做啲令自己開心的事,做運動,興趣

1個讚