連花清瘟鍾南山推售有療效 瑞典海關禁入 稱僅薄荷醇無療效
近日，瑞典媒體報道稱，瑞典方面對來自中國的連花清瘟藥物進行檢測，發現成分僅為薄荷醇，稱對治療新冠肺炎（COVID-19）沒有作用，並限制該藥物入境。不過稍早4日晚間，中國工程院院士鍾南山應邀為留學生答「疫」解惑時表示，「進行實驗後，我有底氣、有證據來說，連花清瘟真地有效」。
法廣(RFI)於5月8日據香港01報道稱，新冠肺炎，瑞典海關限制連花清瘟入境：成分僅薄荷醇，無療效。消息指出，關於中國的連花清瘟藥物，瑞典藥品管理局的調查人員托馬斯·尼爾森（Tomas Nilsson）表示：「我們收到了海關總署的許多報吿，連花清瘟膠囊已經被禁止了。」
瑞典藥品管理局和海關署把連花清瘟膠囊描述為「未經許可的，不得從申根區以外的國家運輸的藥物」，因此將其扣押在邊境。
該報道說，另外，瑞典分子細胞生物學教授丹·拉罕馬爾（Dan Larhammar）則稱，「連花清瘟膠囊」聲稱包含約13種草藥，但事實上只是薄荷醇。據瑞典藥品管理局也提出警吿：我們還沒有任何研究表明該藥有效，絕對不是我們推薦的東西。
該報道稱，據悉，2020年2月，連花清瘟膠囊（顆粒）被列入中國國家衛健委《新型冠狀病毒肺炎診療方案（試行第六版）》。2020年4月，中國國家藥監局下發的《藥品補充申請批件》顯示，以嶺藥業生產的連花清瘟膠囊（顆粒）被批准可用於新冠病毒性肺炎輕型、普通型引起的發熱、咳嗽、乏力，療程為7至10天。
該報道還引據《中國青年報》5月6日說，4日晚上，中國工程院院士鍾南山應邀為留學生答「疫」解惑時表示：「進行實驗後，我有底氣、有證據來說，連花清瘟真地有效。」
#以嶺藥業
#廣傳媒
鍾南山被人踢爆隻中藥有利益衝突，已經無人再信佢，只可以呃到大陸人同藍絲，呃唔到正常人
公平啲講，中藥基本上都冇乜科學根據，係靠經驗同實際使用感覺黎運作，雖然外國開始研究，但一般科學界都唔承認
不過再公平啲講，鍾南山真係忽嘅
4個讚
我覺得鍾博士己經係中國疫情中最可信的人。好多次率先披露國家疫情情況。
呢呢單news未睇，希望只是因爲外國人唔太了解中藥的誤會。不過講真，暫時香港和其他地區，都係以西藥為治療新冠肺炎的主要藥物，中藥要得到認受，唔容易。
請問最底嗰幾句，「我有底氣」。
底氣是指有咩唔舒服？
有個藍絲話歐洲死亡率高，係因為佢地冇用中藥醫療wor,
其實鍾南山個朵都臭晒，佢個女都食禁藥
你不如睇多次段新聞先啦，所謂中藥只有薄荷醇成份，你落街買包史立消都有
古代中藥用藥時冇乜科學根據，但其實無論中藥定西藥，原材料都係黎自動物或植物，藥效都係黎自材料間既化學作用。以前中藥用藥靠經驗，但過去五千年用藥其實就等於一個大型臨床實驗，記錄住唔同藥同藥之間既「化學反應同作用」，一樣有「科學根據」， 現代中醫藥其實係一路做緊科學化同系統化。
所以如果鐘南山講既蓮花清瘟真係有用，相信係可以提供到科學驗證既。瑞典就提出左證據話成份無效，希望鐘南山都可以提供有效證明。
鍾南山有中COVID-19咩?佢有無底氣, 同有無證據有咩關係?
我仲以為佢有咩病痛。 
大陸葯，我只食過牛黃解毒片來清熱氣。
1個讚
如果只得薄荷醇好似流流地，外國人一向對中成藥存疑，等如我哋不會信印第安草藥，話對輕症有效，不過輕症都會不藥而癒，其實03年板藍根是否有效？
我信中藥調理㗎，其實外國嘅花藥、精油調理都同一理論。我哋中藥都幾千年歷史，非共產政權發明。西藥毒性太強、太霸道，有時醫好一樣但會傷及另一器官，中醫藥溫順好多。但如果要同病毒鬥時間，一定西醫最有效。
佢有科學證據就一定會提出黎，至於瑞典接受唔接受證據，就另一回事。
我信西醫、中醫都可以醫治病，但佢地都有自己唔擅長/冇咁周全嘅地方。
佢地咁多假野