今集講校園欺凌，覺得好感觸。因為我中學個時讀書都比人欺凌，比人排斥到走堂，好想自殺！所以其實大人真係要多啲關心自己小朋友，睇睇佢地有冇咩情緒變化。。。我個時冇咁幸運有好家人，所有野都係自己捱過。。。
我只係咁岩睇緊電視純呻下，大家勿擔心！
3個讚
其實真係永久既傷痕
1個讚
好睇，
上集受訪嘅韓國妹，我聽到喊。
我係電視睇
1個讚
有睇,都有唸起中學比人欺凌過 
其實真係一世都有陰影架!!
好多人都話中學應該係識好多朋友同幾開心既一段時間, 正常黎講個時唔洗憂柴憂米, 開心返學放學放假就同同學仔去行下街… 但我唔係, 中學個幾年完全係人生最黑暗既日子! 因為我自小腳有問題, 同學成日取笑我行路姿勢, 言語欺凌我; 我班人數係單數, 永遠冇人同我一組, 老師安排我去其中一組, 佢地就單單打打, 因為比其他同學笑佢地要同我一組… 之後一到個堂我就自己消失走堂, 太痛苦了…
我本身因腳問題已經個人好自卑, 媽要返工我跟婆婆住, 有野唔開心自己搞掂冇人可傾訴, 係學校仲要比人恰, 我真係好想自殺架! 不過, 我覺得死左佢地咪仲開心咁有咩意思? 所以最後咬緊牙關捱過了…
但唔知點解無論過左幾耐, 家下生活算OK, 間中都會諗起呢D咁唔開心既回憶…
2個讚
過咗去,同埋同理心可能真係去到社會越大越有,所以人向前看,過咗去就由佢過去,加油~
1個讚
你好堅強呀！！我中學都有唔同既欺淩，所以想像到你當日既經歷有幾難捱
好多謝你識諗無自殺呀, 如果唔係就唔底了! 活得比佢地好, 識佢地係老鼠, 呢D先係我地要做既野! 無人可以睇低你話你唔好, 因為佢地唔係你! 加油!
堅強都係個時環境迫成，雖然事過境遷，但始終有時會突然記起，所以睇到呢個節目好有感慨！
一直既經歷話我知命運如此只可接受！我雖然曾經有覺得自己好不幸好慘，但當人開始長大見識多左，就會發現大把人比自己更慘，人地都努力生活，自己有乜理由去放棄？！我或者有好多野未必可以做到，但我係靠自己努力工作去賺錢生活，我對得住自己對得住人！
1個讚
你好勇敢，講得好好
，校園辦公室欺淩從來未停止過，希望大家留意屋企個小朋友或者家人，吾好要佢地孤單去經歷呢件事
1個讚
有興趣