而家就黎20日人仔，全埋身，初頭都有泵，但之後懶唔想洗同埋驚會塞奶，加上丫b都唔鍾意用奶樽，所以而家就無泵，唯有餵密d，唔知自己有幾多奶，見丫b有屎有尿，但如果之後有事想俾爸爸湊一湊，到時會唔會唔多奶泵到出黎呢？同埋其實我唔keep住餵完泵清既話會唔會好快收奶？
要出去幾耐？？有d 人慣咗埋身會唔受泵，可能之前要試吓先。
1個讚
其實係想生完去整下我個雜草頭，我諗都要半日時間，有試過次，唔識佢係唔識啜定唔鍾意，唔多肯飲
全埋身真係俾唔到人湊，我嗰時阿囡跟足我24小時，到之後加固就開始可以搵人幫下手
哇，咁想偷下懶都唔得喎
我都打算全埋身呀 但都會想出下街 見下朋友 做下運動 做下facial 整個頭
Lm睇分享係咪真係唔得…
你bb仲細隨時要食，真係冇得行開㗎…一係就帶埋佢出街
到佢大個啲，飲奶時間stable或者可以出去一陣，但全埋身嘅bb有機會特別痴身，唔飲奶唔代表放過你
利申：15個月全埋身，去邊都跟住，唔放過我
而家未夠1個月都覺得好痴身，肚餓找我啜，眼訓又找我啜，好似當左我奶咀咁，日頭差唔多1個鍾就要啜，但佢每次又好快食完，成日見到人地話2，3個月會好d，希望係真啦
我親戚就係全埋身，任何人抱個B都喊成日要痴住阿媽，佢唔使翻工都算搞得掂
我上一胎因為B細啜唔到塞奶，之後一直唔夠奶，要溝奶粉，所以BB埋身定樽餵都ok，咁樣反而方便咗我
今胎都唔諗住全埋
始終要翻工
放緊產假時因為佢飲奶樽餵嘅人奶飲得太慢
初初係全埋身
後黎怕返工後冇咩人奶佢食
每日補一餐奶粉順便等佢學飲奶樽
而加復工 佢雖然依然飲得好慢
不過都肯飲嘅
我頭個半月都係全埋身嘅，之後返咗工就開始埋身兩次，其餘工人姐姐樽餵
其實淨係一兩次泵唔清係唔會收奶嘅，因為只要有得埋身都唔需要擔心奶量，對bb嘅吸力俾d信心
我個女兒家5個幾月已經完全唔肯埋身，而我返工期間只泵到一次奶，全日加埋都只係泵到3-4次但只要識用power pumping都可以keep到奶量，我有幾日日唔夠奶要老公人肉速遞，兒家大概1個禮拜左右加上個女加到固已經儲返1個食物盒嘅奶
至於唔鍾意樽餵方面，你有無試過唔同奶嘴？唔同牌子嘅奶嘴頭都唔同，可能只係未遇到bb嘅心水啫，如果試曬都係噤嘅，可能就要試吓用杯仔餵！試樽餵嘅時候唔好俾bb知道你喺度可能會好d，你可以再試吓先 放鬆心情！
我同樓主你一樣，bb 唔肯飲樽。。。
有一次我要去產後檢查，屋企人幫手睇，bb喺呢幾個鐘瞓足咁耐。
但係我一返到換咗衫就醒咗要飲奶。諗住泵咗啲奶唔好嘥啦，點知佢又唔飲 
係囉，我發覺bb好似知得媽媽有奶俾佢飲咁，其他人抱佢哄佢訓，佢唔會打開口找奶食，但我一抱佢就要找我食奶，跟住成日都餵完又餵
我都係全埋身，bb依家九個月大
一開頭頭一兩個月真係行唔開架
一個鐘就要啜一次，但初生就好鍾意訓教
你可以係屋企做好多自己想做既野或休息
一到三個月我有時dum俾媽咪湊住，我去做facial
不過係揀返係屋企附近，有時又約下朋友去近近地食個飯放鬆下
我仔唔肯飲奶樽，到依家都仲未行得開好遠或者dum低佢超過五個鐘
我都係全埋身懶得泵, 之前我同你一樣唔泵清會無奶, 但原來又唔會, 只要個B有啜就會引到奶陣, 如果唔夠食我就食多啲上奶食品同湯水再俾佢啜多啲, 啲奶陣好似可以不斷有(只要我個肚唔餓)
我頭一個月有人幫我湊夜俾我瞓下, 所以個B都有食下奶樽, 即使我夠人奶, 我都耐唔耐餵下奶粉, 佢都肯食
第二個月我自己湊, 泵完奶先出街都頂到五個鐘頭, 因為佢仲肯食奶樽
第三個月佢醒目左, 我出街耐左, 屋企人迫佢食小小迫左三次先肯用奶樽食少少奶, 多數寧願餓住都要等我返去餵
第四個月開始可以加固, 出去都唔洗咁擔心
我諗你要趁佢未識分奶頭奶咀, 揾一個似乳頭嘅奶咀俾佢熟習下, 咁至少可以頂到去三個月大
之後四個月加固你唔喺度又可以食其他野頂住先