是咁的，我有捐款習慣，支持獨立義工救小動物
有個義工都喺面書睇咗幾年，之前都有一次性咁捐過一兩次，呢啲都係佢喺面書出帖籌旗嘅
有一次，佢無喺面書公開寫，用我對上一次PayMe 佢果個號碼Whatsapp 我，內容大致上係身體有事要驗嘢洗多咗錢點點點，因佢有好多動物喺手，所以想我捐少少錢幫佢買糧。佢面書有講自己有病嘅，亦知道可以係大病，所以要盡快驗。所以雖然私底下籌旗，我都幫咗佢
到咗下個月，佢話因為疫情所以失業，問我可唔可以再幫佢，同上次一樣數目。其實我開始有啲唔中意，覺得好似好輕易就開口問人捐錢。不過我同自己講，數目細，比多次機會佢。揾食難，幫到就幫
呢次之後，面書見佢話有工開，係穩定嘅工，唔係散工，但做咗無半個月就因為辛苦大壓力上司衰所以辭職。之後又有去親戚度幫手但又同人嘈，嘈完無做過一排又話返去當幫親戚，但最後都係鬧翻咗，所以又無咗份工
過咗3個月，佢又Whatsapp 我，話開始有新工返。但返得幾日工所以好少錢，今次希望我捐上次嘅一半。同之前2次一樣，佢無喺面書籌旗，只係私下問我。我因為覺得唔舒服，作個藉口就推咗
我唔係話佢呃人，事實佢的確幫咗好多小動物。但如果知道自己負擔大，就應該唔好咁輕易辭工。佢比我嘅感覺係好容易放棄份工，又好容易開口問人捐錢，事實上我幫過好多義工，從來冇一個會私底下要我捐錢
你地覺得我做得啱唔啱？
當然啱，你好好心地，其實佢根本唔應該私底下搵你，你小心被人利用你的同情心。
3個讚
你無問題，因為啱唔啱係睇目的唔係結果。
只不過好心未必真係做好事，有善心絕對好，但善心都係希望讓社會世界更美好，所以要考慮嘅係方法。例如教人釣魚rather比人一條魚。
我無捐NGO習慣，感覺好多效率太低，亦無甚建樹。而依家我覺得黃店先係最大慈善，仲要無NGO/政府低效率嘅問題。
2個讚
補充：其實佢如果屬於低收入群體，例如可以建議睇下申請關愛基金之類？呢D錢唔申請都係會________。［留空填充］
樓主你冇做錯，佢幫小動物係好，但應該先處理好自己工作同生活。可能你太好人，幫咗幾次，感覺易話為。我會直接話佢知，失業可以搵社工幫助，希望佢身體健康。
如果有懷疑，你絕對有權唔捐自己錢。或者下次捐貓糧狗糧代替。
一個負責任的成年人係應該先處理好自己生活先搞其他野。
如果打住幫小動物要人捐錢、我覺得係道德勒索。
同意樓上話直接捐物資。
3個讚
同意，冇話「你錯佢啱」，或「你啱佢錯」。
做每一件事都睇自己意願，唔會話唔再幫就係樓主既錯。
2個讚
我都一直有捐錢比貓會，從來未試過貓會嘅人會私底下聯絡我叫我捐錢，呢個做法好奇怪。如果個義工啲錢係用向小動物身上，應該要有單有據交代返用左啲錢黎睇醫生或者買糧，開po籌款，有心嘅人自然會捐。
如果唔想捐就唔好捐。不用不安。
佢幫到咁多小動物。如果係真，應該本身個人唔係對事太易放棄，不過如果我好想捐又覺得工作既野令我唔舒服。可能我會再同佢傾多啲。了解多啲。話佢知我自己既關注先再捐款。不過我覺得有些人工作係好喜歡容易啲轉工。性格問題。所以睇自己理唔理解到。