平時好慳家，見邊間超市賣嘢平幾蚊都會特登過去買，因為聚沙成塔積少成多丫嘛係咪咁講先；如果遇到疑似散紙黨攔途問你拎幾蚊，你地會唔會俾？
1個讚
睇情況…
唔會…
如果後生仔女+香港人就會既
其他就唔會啦
利申試過一次
果時係總站排隊搭巴士, 巴士到左我就行上車, 點知就黎行到去車之前驚覺自己八達通冇哂錢+冇散銀
我就問排係我後面個後生仔借左5蚊搭車, 好好彩佢借俾我 
我自己仲喺學生哥時，真係試過無錢要問人借，可能當年我著校服，一借就借到 咁多年都仲記得個好心人，好多謝佢 但近年遇嘅都好明顯係騙子
好多年前有遇過，點知俾完錢，嗰個人去第二行又問人拎，自始我就唔再俾了
之前喺荃灣千色巴士站都見過有個人成日問人拎 
1個讚
我幾個月前等巴士遇到一個中年女人, 佢一開始係問我前面嘅人, 無人俾佢, 跟住佢問我, 話自己跌咗銀包, 想問我拎$17蚊過海, 我有猶豫佢係咪呃人, 最後都俾咗$16蚊, 佢拎完走咗, 排我前面個女人問我做乜俾錢, 佢呃人嘅, 成日都喺同一地方問人拎錢…我當時係覺得就算佢真係呃人, 我都係損失十幾蚊, 但呢少少錢可能對佢好重要
1個讚
好似好耐以前已經有，係屋村見得最多，係近十年就無見過…
其實都唔知佢地係咪呃人，我試過幫過2個，一個搭小巴話唔記得帶銀包，幫佢出
另一個就阿婆係地鐵站問我攞錢返屋企，我通常只俾幾蚊，多過呢個數都唔會俾
既然係慣犯, 你前面那個人就應出聲提醒!
陪佢等車，幫佢俾錢
之前佢地攞錢買M記，仲話聽日約番時間俾番我，我話唔使，前邊就M記，我幫你買，佢即刻話唔使
1個讚
呢個方法好好，真係送佛送到西
當年大埔5蚊哥，問我「唔該有無5蚊呀？」
我反問佢「唔該有無10蚊呀？」。佢呆左再走開
變左8蚊哥好耐了！
大把呢d人出黎搵人啦
試過係地鐵站有個中年女人問有無$2
我唔理佢
佢狂鬧我 …