用過幾款天然/手製洗頭皂/水，分別係iherb買過幾個唔同牌子+本地手作牌子
但都會出現皂垢問題，部分會有一點點白點之餘，最難捱係癡笠笠
用手禁頭頂會痴痴地，望落又塌又笠 
稍微好D ge係本木序洗頭水同lush洗頭皂，只係乾D無笠，但真係好鬼貴
大家有無咩推介?
最好當然全天然，但我主要想用少D膠樽+減少運輸「水」，所以非天然洗頭皂都OK
3個讚
我冇用過洗頭梘，但就曾經用過茶籽粉洗頭，效果唔錯，但用既時候麻煩D…
係鹼性皂嘅特性黎
一係用醋過水(但會潤得滯)
一係裝濾水器
一係手工皂洗頭皮，過水之後再用洗頭水洗走皂垢
冇皂垢果d係化學野整成，唔係天然冷製皂
2個讚
長知識！
如果要用洗頭水洗走皂垢，咁洗頭皂好似白用咁…
2個讚
我自己都係用手工皂洗頭，初時D 皂垢痴晒係個頭到，但慢慢就愈黎愈少，多數都係痴係梳到，所以要勤洗梳
如果笠痴痴，可以洗2次，情況應該會好D.
唔怕貴嘅可以用Lush 個隻海鹽洗頭水，好似雪糕咁嘅size, 佢個樽好似可以回收。
我而家用緊一隻，洗完頭無乜皂垢，但對方話係天然野…可唔可信呢?
但手工皂洗頭皮好清爽, 又唔乾, 頭皮會好健康
可能唔係冷製皂？
或者你d水靚
都係一般水喉水啊。唔係冷製皂咁會係咩呢?
可以用皂基整呀
好多辦法可以整到一舊固體嘅清潔劑
想問下你頭髮粗定幼定中間？平時日頭定夜晚洗頭？頭皮多唔多出油？
應該唔會有皂垢
因為香港係軟水
外國地方用硬水（有礦物）先會有皂垢
我會用起泡網起泡先洗 好少會有白色一舊舊
1個讚
我頭髮粗又多，平日日頭洗，因為好難乾。唔多頭皮，夏天出油都多。
我之前用手工皂洗頭，都係好笠，之後試用啤酒手工皂，初頭都好用，洗完好清爽又唔笠，用耐咗都係會有皂垢問題出現。
1個讚
天然皂還要睇用什麼油。
我自己整左，有些洗完超爽，有些好似好笠(似用左護髪)
請問用咩油會洗完超爽?
椰子油高的，但。。。未必好
請問點解用椰子油未必好? 如果用棕櫚油呢?
椰子油比例太高會洗走皮膚表面油脂，除非家事皂，一般都唔會用到好高比例
洗頭皂好多都只係去50% 左右，洗臉沖涼頂多都係得20%左右
棕櫚油主要都係維持返個皂體硬度等舊皂好用D, 所以我自己整皂唔會用棕櫚油，始終都唔係環保野
自己整，可以不計成本，就可以用其他硬油來代理棕櫚油
超推介呢個shampoo bar, 唔同普通”皂”, 基本係固體嘅洗頭水, 唔乾, 頭髮順滑, 護髮素都唔需要. 已經用緊第6塊 
1個讚
無棕櫚油成份? 幾錢一件?
1個讚