我係由肩胛，手臂一路痺到去拇指食指同中指，日頭感覺還可以，一到黃昏就開始痺痛，上網睇呢個係腕管綜合症，日積月累勞損返黎嘅痛症～
之前只係肩胛同頸痛，去開做 facial嗰度有部通淋巴嘅機可以鬆返D筋腱，好返一排，疫症之後有一次攞重野又拉返傷，但而家 facial冇得去做，只係去藥房買咗消炎藥同B雜，但係食咗半個月都未見好轉
有冇人試過咁嘅情況？我約咗下星期去睇骨科 ，唔知有冇人有經驗可以分享一下？
其實你似頸有事多啲，我老公之前頸椎有事，都係頸痛先，無理就慢慢手指都痹，之後睇左物理治療，又做左針灸就無事
同我屋企個男人差唔多，當年自己開食店捱到咁。長期同1個動作拎重野，係咁重複做，變成勞損。
由膊頭後面一直又麻痹又無力又痛咁到中指。
睇西醫開止痛消炎比佢。一痛就食。基本上係日日要食。 跟住去睇物理治療先好返d 。前前後後間斷地都睇左2年，總算叫正常返dd.
佢話物理治療師會搵佢打晒kick既筋骨位，再會用個衝擊波定超聲波（我無留心佢講咩）一野整落去，整幾下就會鬆返就會無禁痛同麻痹。
最初一星期要睇2至3次。但佢成日唔得閒1星期或9唔9先去一次，所以拖長左黎做，效果又無禁好。
係咪睇完普通科再轉介物理治療？
都係睇骨科轉介呀