（長文，純呻）
我小朋友差不多六個月，復工已一段時間，主要由99照顧，我感恩有家人幫忙，但小朋友越來越大，開始唔跟我，有時我抱佢佢會喊，但一轉手比爸爸就無事
爸爸都要返工，但佢照顧比較多，相反，我喺高危地方工作，我唔敢同我先生同bb太親近，在家都盡量戴口罩
其實我自己都身心疲累，但為生活不能放棄工作，各位working mum 加油！ 
4個讚
我嗰陣都有呢種感覺，一有時間唯有陪多啲小朋友，佢哋會感受到，加油
1個讚
尋日都有個post講bb認人嘅問題，大家都話一歲左右會認得媽咪，兼成日痴住添
加油啊
2個讚
我working hr 好長，加上高危地方出出入入，唯有同佢地保持距離，唔想自己咁自私，傳播細菌病菌比家人
帶住口罩唔見樣，bb 都唔知認唔認得？
留言支持。疫情終會過去。
一係調整想法，工作還是可以辭，過幾月再找也無不可。不是叫你辭工，但也不要否定辭工的可能。想抱不能抱，想親不能親的日子一定會過去。
3個讚
你放心都得呀!以前禾返夜,啲作息時間同bb 倒轉晒!後尾有個老屎忽同事話禾:你驚個 b 唔識聞你陣除呀!到時識野就痴你架啦!
果然…一識叫媽媽…就係咁煩到禾嘔泡,真係唔好諗太多,顧住自己,小心保重身體,唔好比自己有太大壓力 
2個讚
撐住，有疫情係辛苦d
1個讚
捱過會好的
1個讚
每天回家沖涼食飯，又夠鐘氹bb瞓了。最鍾意對住個女，日頭做不喜歡的工作只是為了賺錢。工作好忙，好累。
3個讚
多謝各位鼓勵，我都好想疫情快啲完，遲啲如果又差到要出去租酒店，我應該見都唔見佢
過度期唔洗咁唔開心，bb好快知道世上只有媽媽好到時到你覺得bb太黐身
1個讚
你係咪醫護？辛苦晒！疫情過咗你攞假同bb玩多啲就無事，無論佢幾大都無人可以取代你既位置，加油，唔好氣餒
1個讚
只想給你一份支持! 加油! 偉大的母親!
2個讚
見到隔離有post 討論緊去旅行，恐怕唔係咁容易斷到
其實當大家見到沙士倖存者生活都幾咁困難，我估大家都會小心啲
Ps 我收到你地嘅祝福啦
抱呢家野講手勢,禾抱親乜 b 都喊,有時真係湊到忟! 
但禾朋友做兒科,佢一接過手,全部靜晒,仲讚阿 b 乖 
禾估可能禾太瘦,手無乜肉地,抱唔舒服,男人肉地厚,點瞓都舒服啦!
阿 b 一大識叫你做媽媽,會勁痴你!希望到時會見你出 po 話阿 b 勁痴你,湊到你煩
2個讚
起初放完產假返工都有D唔捨得bb, 果時見到bb痴工人又有d不是味兒…
不過樓主放心啦, 佢地大d 就會明白, 我女而家痴媽媽痴到不得了!
我覺得小朋友開始讀書之後先係對working mum最大挑戰, 跟功課跟測考唔可以假手於人, bb階段食奶換片邊個跟坦白講無乜所謂
而家停課咁耐， 跟功課就係跟得好吃力
好同意 跟功課同溫測驗考試係最辛苦 
以前未生仔聽d同事話要請假陪太子讀書覺得好誇張, 而家先知原來真係要咖!
外判根本唔貼市, 老公都幫唔到幾多(豬隊友), working mom 好似打兩份工咁, 好慘~
我仔1，2歲時痴工人多啲，但之後痴我痴到貼身膏藥咁，搣都搣唔甩！