同住小朋友現在3歲，3個月大時媽媽走左佬，爸爸已經另組家庭
訓覺前好多時係歇斯底里咁喊，就算陪佢玩左陣開心返少少，轉頭又失驚無神大喊，好懷疑佢係咪太無精神寄託，突然諗返起嬰幼時期既創傷?
我覺得會，因為BB係肚入面已經同媽媽連在一起，感覺到媽媽心跳、聲音，所以出世後一定係同媽媽最親而比到安全感佢，佢3個月已經冇咗係肚內10個月熟悉嘅感覺、冇晒安全感，所以一定會心緒不靈、心情跌盪，所以缺乏安全感係大忌，所以你如果錫果位小朋友，你應該同佢建立互信、增加佢嘅安全感、令佢消失恐懼。希望你可以幫到佢，亦衷心替你加油，因為小朋友係冇衣靠，所以換轉立場，你係果位小朋友，你自己又覺得需要咩呢.？
5個讚
上面回覆太煽情了吧。。。
不過覺得自己冇爸爸媽媽就唔開心都好大機會
1個讚
唔會。但佢出生後成長嘅環境沒有爸爸媽媽的愛護就已經足夠令佢變成而家嘅情況
同意，我都覺得唔會。
好慘
1個讚
我認為一樓講得好啱，睇過幾本兒童心理學書，都提到安全感同互信係小朋友性格形成最重要原因，bonding非常重要，而且越小開始建立越有效。
我覺得唔可以話意識到媽媽唔要佢，但唔夠安全感就非常有可能。
另外，有documentary提到安全感唔一定係媽媽比，gay couple都一樣可以令小朋友快樂成長
或者可以慢慢溝通，了解小朋友需要先
1個讚
因為我未做人呀媽先想知幾大個既小朋友會意識到媽媽唔要佢
小朋友真係好慘，生長係一個唔正常既家庭，上面講既只係其中一個訓覺前有可能既扭計原因，佢生活上要面對好多問題，有懷疑過當中有令佢受壓既地方，不過詳情我就唔多提了。好多謝大家既回覆。
我覺得唔關事，但應該係成長環境令到佢咁。
其實佢係咪已經知道自己爸爸媽媽唔要佢？
的確係。
唔知佢知唔知，佢言語表達方面有缺陷，溝通有難度。
會唔會係環境裡面得唔到足夠嘅愛
係咪你屋企人？有無考慮搵專業人士幫忙？
我覺得佢之後陪伴佢既人重要啲。佢會唔會其實想搵關注。如果佢大喊或者做呢啲野。大人就會衝埋去關心佢?如果係可以。實際抱佢多啲。講多啲讚佢既說話。有安全感。會有機會改善。佢而家言語遲緩講唔到自己需要，我相信都會係原因之一。
這小朋友真的似乎很孤單。。。。
那麽，現在的照顧者穩定嗎？
穩定、安定的環境非常重要。試下多點擁抱、安撫，身體接觸對安穩幼童情绪有效。
小朋友已經發展到咩都鐘意喊一餐，大家都好遷就佢，消耗照顧者不少時間同精神
自己拎住野玩跌左落地有聲嚇親又喊
又咩都放入口咬，梳化都咬得爛
佢既環境就好似一個女仔甩拖，舊男友同新女友既恩愛日日係佢面前俾佢見到咁