BB岩岩三個月多幾日，工人姐姐湊，所以一直都要set死時間飲奶，之前一路都4個鐘一次，每次五安。但早排突然清醒時飲奶就爆喊，要tum訓著先肯飲，呢種半夢半醒飲奶維持左一星期左右，之後突然又訓著都唔肯飲，試過一日奶量得返450ml搞到有輕微脫水，睇醫生開左d開胃水，食完開胃水後用舊奶樽餵奶唔要，試下轉新奶樽又肯訓住飲wo，咁以為之前係因為奶樽問題所以先唔飲啦，又試左兩餐冇飲開胃水黎餵，結果係有清醒飲晒啦！點知順利左兩餐，又回復返一俾奶樽就喊唔飲。以為可能太飽食滯啦！今日嘗試隔耐d,5個鐘一餐5安，佢啜完奶咀再換奶樽就肯飲，但結果因為時間亂左，搞到佢連訓覺質素都差埋。我究竟應該維持返4個鐘好定改變呢？BB係好似唔識肚餓咁唔會喊奶。
我就冇set 4或5個鐘比bb 飲，如果bb 訓左，我就由佢訓醒先比佢飲，如果日間訓超過6個鐘我先會叫醒bb 餵奶。我明白bb 唔飲奶，做媽媽既一定會好擔心。bb 會有厭奶期，但未必個個bb有。如真係太擔心bb 唔飲奶，可試下用針筒餵
少食多餐得唔得，果時我仔3個月果陣又係厭奶，原本4個鐘一次6安，厭奶搞到2安都飲唔到，就比佢訓醒又食2-3安，捱左成個幾月終於正常返。加油媽媽
其實厭奶真係冇得跟schedule 餵
大仔因為姐姐湊要set 時間 搞到阿仔厭奶期好耐先get through到
依家細女得湊 三個半月 厭奶中 我就佢餓到咁上下先餵 好似好過哥哥 冇咁抗拒
我就係因為姐姐湊所以要set ,咁你大仔當時點解決？
試過分多餐，結果因為安排得太密仲更加唔食。
因為姐姐湊，所以好多時我只可睇cam留意下同問姐姐。阿仔如果唔想食，佢真係可以只玩同訓。用針筒我最多試過係俾水ja都喊
你bb 3個幾月一餐飲到5安奶都唔少，我bb 3個幾月飲緊3-4安。之前都有問過健康院姑娘，話bb 有時食好少，姑娘話食幾多由bb 決定啦，有時大人都會冇胃口啦，係咪。咁我聽完，又覺得係，只要唔係少得太過分，我就冇太特別去睇醫生。媽媽加油
你工人姐姐個陣湊大仔最後係點過左厭奶期架？