哈囉阿！
我Bb十月尾出世，同c6都要返工，打算請工人湊！
我預計工人9月嚟到，用一個月時間適應同學做家務。
99請過工人，所以就請佢幫手。99就話六月先開始搵，想問會唔會太遲？
印印？賓賓？邊個好啲？
因為媽媽唔識英文，本來打算請印印，但聽講賓賓好啲，想問難唔難搵識中文嘅賓賓？
年紀大啲係咪會經驗好啲？
因為係新手媽媽，好多嘢都唔識，所以問題比較多
印印一般聽話d。
我會早半年請。
早d到埗好d, 唔好禁忟水。
一定要叫99睇住。。。。跟頭跟尾bb 唔識講野。。。點都要靠老人家幫手教
2個讚
我都想早啲請，有無Agent可靠可以介紹？
（可pm)
兩位長老媽媽都會幫手教佢
其實長老湊會安心啲，但媽媽隻手唔好，又唔想兩老咁操勞，佢地會幫我跟姐姐，我都好開心！！
你而家好去方聲氣物適定啦！現在亦因疫情關係無人可比你揀，同唔一定咁順利你揀人人揀你。
我請左成年先請到合心水，我會請印印佢地對老人家比較有耐性。
賓賓自主性比較強，萬一同老人家唔合心意又要再請好煩又浪費錢。
2個讚
我建議請印印，因為最常用家係你媽媽，而且比較聽話。
另外，面試時最好帶埋最大用家去，等佢決定，呢個係經驗之談，否則未來佢地夾唔來，只係你煩，將個責任放去最大用家度，佢揀的。
而家搵定啦，預鬆少少，因為有時臨來港才和你講唔做。
1個讚
我都係十月尾預產期！
都諗住請工人，唔知工人湊初生bb好唔好 
自己最多淨係產後半個月左右會係屋企
1個讚
如果根錢鬆動，我會想工人早少少嚟
賓賓會醒啲，因為大家溝通得到，幫起手上來得心應手。印印就乖d，但就遲鈍啲，踢一踢先郁一郁，新來港仲要學廣東話，適應家庭節奏同應付忙碌的湊初生生活，所以如果我係你，依家都五月，請得黎都8月，八月來到先教佢煮飯，做家務，做左一個月家務，慢慢識自動波幫到手就briefing 下湊初生要點湊，要小心抱，掃風，洗奶樽等等。
就算佢八月黎，你預頭二，三個月都係嘔血，除非有本地經驗/新加坡/台灣做過野，會好啲，我請過中東做過野既印印，來到頭三個月唔好話幫手，只係教佢聽得明指令都吐血不過我都見過家人的印印好快學懂廣東話同快手快腳
賓賓好少識講中文，因為佢地懶學，但佢哋喺到生活係聽得明廣東話，但唔識講。
2個讚
6月太趕，但以家有疫情又請唔到住
點解你會得半個月？唔係前4後6既咩？
喱個時勢早d請呀！！！
雖然幾個月後咩環境未知
但預早一定好過遲
宜家好多姐姐困咗喺家鄉未嚟到
一嚟飛機大部份都未飛返
二嚟到香港又要隔離
我身邊有幾個朋友都企晒喺 好傍偟
1個讚
如果你請印印，要留意佢哋好多唔食唔煮豬肉，要齋戒（上下午唔食野）一個月
1個讚
我都建議早啲請，起碼唔啱仲有時間換人。得罪講句，有啲姐姐（尤其印）真係好鬼蠢，你以為好基本既野，對佢黎講都係好難，仲要係冇得教。所以早啲請，小心揀，揀個啱最重要。如果遇到唔掂既，趁早換人免得激親自己。
1個讚
我自己用印，請佢返黎嗰時都係湊初生，佢仲要勁後生，去過台灣一年照顧老人家，但黎到除左廣東話，其他完全超出我預期地好。
姐姐話印尼人黎做野前要去training school,基本野都識，同埋最好請啲本身住市區啲嘅姐姐，咁一般電器都識用。
相對地印學中文係快上手啲，同埋佢地比較肯學中文。不過如果你想姐姐同bb 講英文，賓賓就會好啲，但唔好要求佢地英文勁好。
年紀大啲有經驗驚你食唔住佢，尤其賓賓，有經驗就會要求多啲。
不過如果媽媽對姐姐多啲，我會揀印，因為到時雞同鴨講，好易有誤會。
1個讚
而家99好似嘗試幫我搵緊本地已有嘅工人，我朋友請咗個大年紀嘅賓賓，經驗夠煮飯好食！
印印唔煮豬肉無諗到
多謝sis提點！
簽證搞唔到好慘阿，錢俾哂但幫唔到手…
如果係我，應該幾惶恐
我印姐都唔食豬肉，但佢都會煮，我見好多朋友嘅印印都係，不過都係請前問清楚好啲
我係8月尾預產期，都係要請姐姐，我就係4月頭請左位菲律賓姐姐。
如果你有時間宜家可以搵定睇下，因為宜家都缺，同埋我之前都搵左好幾間agent , 但有D Agent 係無姐姐比你㨂
有冇好agent 介紹呀？想請賓賓
我十月尾預產，第一次請工人
我有用過一間非牟利組織佢唔收姐姐介紹費，主要係菲律賓姐姐。
有興趣既可以pm你
1個讚
好呀，thx!
但有agent 咁好唔收錢…咁佢靠咩賺 
佢係收雇主介紹費但係姐姐嗰邊就唔會收錢
1個讚
真係唔好咁忟請，佢又要熟習新環境、新家庭工作秩序、新人事，仲要照顧初生，你諗下你自己都未必做到啦！
同agent 講清楚你嘅背景、姐姐工作範圍。我個工人姐姐係唔食豬肉，但會整。