請問各位知唔知大坑有邊間車房係信譽好架？
Tesla嘅軚有啲漏氣想補或換呀！
灣仔區、西區淺水灣區都得
如果知道價錢更好！
唔該晒！
補軚或換軚應該直接去軚舖，唔係車房。
係架原來？因為其實我去開原廠（唔係Tesla）
Tesla我係幫我朋友問
佢係外藉人士，我又唔識…
係架，去車房都只係比人食多浸，車房唔會自己做，純抽佣，有乜意思？
直接去軚舖啦。
補軚好鬼平，應該一二百左右就得（雖然我無做過）。
唔知你有冇熟悉軚鋪喺港島區呢？因為我朋友係香港島人，我估佢唔識九龍同新界。
我download咗搵車房App同網上搵過
但都冇乜comments，完全唔知邊間好
唔好意思，唔該晒你，唔知都唔緊要，thank you!
港島我唔熟，但軚舖在港島區都大把，你自己睇。
Thank you very much!
我都係睇呢個website，如果冇相熟介紹我聽日Random幫佢㨂
打去問下價先囉，唔駛撲來撲去，但佢唔講廣東話，可能溝通唔到 或 俾人呃，你幫下佢手啦。
係呀，幫佢試下打幾間，我真係唔識呢啲，頭都大
好在有你嘅意見咋 
補就應該咩軚都一樣價（但我唔肯定，我未試過）。
但如果換，你就要知車軚size，可看軚邊，有刻到架，類似咁120/70/R19咁樣。
至於牌子，如果無乜心水，可考慮bridgestone，比較大路，我都有用開。
型號就上網睇，我以前用過turanza，但未必啱tesla用，你可以問問。
仲有，換得就通常最少一對咁換，唔會只換一條，因為要平衡，咁就幾千蚊落樓，和補軚差很遠。
睇下條軚蝕唔蝕，或用左幾耐，如果超過3年無換軚，可能都要換晒佢，安全問題。
1個讚
原來係咁架？我以為同佢講Tesla佢會識換番一樣，咁要問定先…
真係唔該你呀！
呢個時間，應該閂晒門，灣仔內街都有好幾間車太鋪。謝非道，告士打道都有幾間
補太，我響新界，40蚊，市區唔會過100蚊。
而家應該先去油站pump 返d 氣先，再去搵太鋪，唔好開禁快。
太鋪會幫你試邊到漏氣，如果補到就補，補唔到應該係一對車太咁換。 但唔洗換晒4條。
我通常會換新太響前面，因為我車係前輪驅動，前車太會快蝕d, 舊太就裝返去後面
係，你講得啱，如果真係要換軚，可以叫軚舖幫你睇邊對軚比較蝕，才換。
而且新軚可放在比較蝕得快的地方。
任你講點擺D軚（但基本上一係一對擺前，一係一對擺後，要平衡，唔會一前一後），免費的。
但如果超過3年都無換過，就一次過換晒佢囉，都係安全野，無謂慳。
原來咁平架！Thank you!!!
我search埋灣仔先
可惜我朋友唔識廣東話，如果唔係直接揸去問仲快
好！聽日同軚鋪講埋叫佢check check
1個讚
我記得大坑都有唔少車軚鋪。。。
我上次去食拉面。。。 格離都有2間
我都記得係所以我唔識都搵大坑先
希望唔會俾人呃
其實補軚無咩好呃。佢一浸水幫係試漏氣，正常人行埋去睇都知嚴唔嚴重。
再講，呃盡都係叫你換2條軚。
Tesla 應該都最少都19吋鈴，2條夾埋平平地都係3000左右，但起碼有新軚用，都唔算呃得晒。
如果換軚就記得睇車軚年份，越新越好，因為膠既野，年份內點都會硬化唔come 用。 車軚面上面會有印年份。
仲有。。。如果見到軚面中左釘，千萬唔好整甩佢。。。由佢插住。
整甩d 釘，漏氣仲快，咁行唔到出路面架喇。。。
多謝晒你嘅意見！好實用