第一胎Bb就出世，睇緊床類，因為屋企細應該唔會買木床，但網床一般個欄都好高，頭個幾個月密密換片餵奶係咁彎低腰都幾辛苦⋯⋯所以諗住反正初頭都要餵夜奶，BB又未識轉身就買張半睡床方便啲。
不過摺得埋嘅伴睡床張床褥都係勁林（薄海棉），唔似得床褥咁有承托力，初生嬰兒脊骨仲未硬好似唔係咁適合？怕影響發育⋯⋯
但明明啲伴睡床係比初生嬰兒用架喎⋯⋯呢個設計照計係match佢哋架？所以我好困擾⋯⋯
希望各位經驗媽媽教教小妹
係呀，bb要訓硬d嘅床褥（就算小朋友都係），可以去訂造張硬d薄d嘅床褥。
有得訂造網床床褥架…網床真心好用
我都有同樣問題
因為房真係太細只可以買伴睡床
唯有係擺伴睡床個位特登訂造左張床褥墊底，希望可以啦
冧對腰骨唔好都其次，最大問題係冧比硬更易窒息，係安全問題。
我前幾日係海馬訂左張床褥
放係chicco網床入面…
4百幾蚊都幾好
請教你係邊間訂架，海馬牌嗰啲？
好吸引！ 
都係！如果佢反轉身就大鑊 
你係邊間到訂床褥嫁，求分享！
Sorry呀，我唔係香港架，但訂造一張，幾百蚊，用起碼兩年…真心抵
我因為個個位唔算大 唔係度度肯造
所以同事介紹左我淘寶
我同事淘過話都好ok，又冇味個啲 所以介紹左比我
但因為未到手 暫時未知係咪真係佢講咁ok
海馬有得訂。我之前張bb 床係特別細，都係海馬訂
其實海馬做緊8折…
都好平…2-3百蚊咁…
有折咁正！即刻去睇下