一連4天的黃店「五一黃金周」昨日（3日）完結。主辦單位於facebook專頁公佈，活動參與人數超過40萬人，有2,305間黃店參與，估計營業額超過1億元，估計每人平均消費200元。主辦單位之一「香港良心Guide」創辦人Tommy說，響應人數和商戶遠超乎預期，成果令人鼓舞。他指，團隊初心希望協助小店度過經濟難關，由構思和宣傳僅用了12日籌備，幸好獲各方支持才能成事。他希望，以後香港人都不需要「黃金周」，真正把黃色經濟圈帶入生活，成為習慣。
「黃金周」團隊總結，除了過億元營業額，主辦單位的活動網頁瀏覽人數達到21萬人次，「良心Guide」網站瀏覽人次達14萬人次，「香城online」瀏覽人次亦有8萬。而活動的Facebook專頁瀏覽人次則高達到18.4萬，活動Instagram瀏覽人次亦有8萬。
團隊撰文指，感謝商戶信賴和市民大力支持，「如果唔係有你哋嘅支持，活動都唔會咁成功」。成功背後，有過百名義工為籌辦黃金周，犧牲大量私人時間準備文宣、更新網頁、派發傳單、聯絡商戶和傳媒，有學生為此整周荒廢學業。團隊預告，正策劃一系列活動，希望黃金周結束後，同路人可繼續支持黃店，繼續振興黃色經濟圈。
有網民留言指，感激團隊改寫了「五一黃金周」定義，是近年第一次過得開心和有意義，認同精神要延續下去，「每日都係黃金日」，直言經濟和政治關係已密不可分。亦有人反映，除了食店以外商戶，「黃金周」宣傳對其他類別商舖幫助較小，期望團隊可建立網站，分類別和社區作推廣。
Tommy指，未來會透過網上問卷形式收集意見，研究市民的消費習慣和喜好，計劃未來宣傳策略和方向，「類似黃金周活動一定會再搞」，盼鼓勵和提醒市民支持同路人，並把黃色經濟圈擴大至更多類型商戶。
好西利
要keep住繼續支持黃店!!
其實我無跟著良心guide去食
唔知有無計入去，大概兩個人食同消費四日用左$2000 
我有一餐食左千幾蚊丫…2個人
同埋好日都唔去飲COFFEE…又$50…
睇黎我都要返去食黃店車仔面先得
其實呢個五一，可以令大家養成習慣幫襯黃店才是重點
真係改寫咗51黃金周定義，以前聽到呢個名覺得條街塞滿大陸人，香港人要出埠避一避，而家係屬於香港人既五一黃金周
我不嬲都有架…
四日有一億… 咁一年有…