未結婚，但要當係老公咁一齊住⋯
未係新抱，但要當係自己人⋯
係就係，唔係就唔係，是其是，非其非，但人係好鍾意灰色地帶、模稜兩可。
4個讚
結左婚當新抱係外人既都勁多，何況只係女朋友
不過真係case by case
可能我見到or 我識既都係一入屋say 個hi 就入房閉關，我就覺得唔係幾好睇
其實只要將音量收細，唔影響到人，咁真係會好d
1個讚
我諗d 老人家心裡有數
只係表面唔出聲
老一輩一定覺得唔好睇
1個讚
吓，我覺得唔關事喎，好多父母都由細到大教d仔女唔好拍拖，唔好有婚前性行為，有D直程帶埋仔女信教再加強灌輸結咗婚先可以sex既概念，咪一樣好多都沒做到，難道佢地沒家教？
以我認識做父母到仔女咁大都仲咁嚴既仔女，正常既係D仔女左瞞右瞞，otherwise就好多一早被認定好反叛，一係就真係超聽話，但就影響到佢感情既處事呀。
衣個世界本身就係灰色多，衣樣先係正常吧。
1個讚
咁樣既老人家我覺得已經算通氣了，隻眼開隻眼閉。乜都唔理，總之唔可以過夜，一刀切嗰D就真係迫走自己仔女。衣度既”迫走”唔係單指physically，係概括埋大家既關係等。
但我覺得個女仔同男仔應該都要有會影響到人既覺悟，個個星期去真係好打搞人地生活
個女既都考慮下自己父母啦
未結婚就成日去人地屋企過夜
對方父母都唔知會點諗自己父母
3個讚
我覺得有婚前性行為唔係重點，只不過去人哋屋企留宿唔係咁好。
依家做父母係要開通，我會提醒做足安全措施，同埋係感情方面一般嘅認知。
我哋係仔青春期時已開始灌輸性方面的責任，唔係話女仔先要小心自己，男仔一樣要小心，對自己的行為責任。
咁又係，即使父母有教，仔女都未必聽，聽敎聽話嘅乖乖女，好罕有，今時今日好難遇到
1個讚
我有2個女，真心麻麻地接受
間唔中一晚可以，但個個weekend係咁，作為媽媽的我會好傷心（依家你無屋企返咩？）
但如果已經有結婚計劃，咁男仔間唔中上嚟我度住一晚，個女間唔中去男家瞓一晚，我就ok
2個讚
係，如果已經求左婚，準備結婚喇，咁就ok
但只係拍拖階段真係難d 接受
所以如果我仔將來個女朋友成日黎
但又未係決定結婚
我會唔鐘意呢個女仔
4個讚
當然啦, 家教點止呢樣
去人地屋企訓, 只係其中一樣
呢度無人focus落婚前性行為wor
原來你覺得去人地度訓 = 婚前性行為?
婚前性行為, 可以旅行先, 間唔中,
乜真係咁有需要個個星期咩?
未結婚就個個星期上男朋友訓 … 唔知算係咩
1個讚
無家教還無家教, 人地起碼係"名正言順"先
2個讚
我以前呀哥都帶女朋友上黎, 我唔想對住外人呀, 點開放, 點解要我開放, 明明自己屋企, 都傻傻地, 你自己中意點就點, 唔好影響人地明唔明
因為屋企多左個外人, 我都費事出咁多廳。
後尾我索性搬走埋, 費事日日響度篤眼篤鼻
男人屋企果邊梗係無所謂啦, 未結婚未過門, 個個星期送上門俾個仔happy, 何樂而不為。作為女仔既媽咪, 邊個會想, 你第時有個女你又會想咁。
我呀媽由細教到我大, 我自己都會咁教返個女唔好咁樣，好醜怪。你唔覺得醜, 我覺。做女同做呀媽都一樣，人地個女無所謂, 我自己就唔會想自己個女係咁。
7個讚
完全講中哂
係真係篤眼篤鼻，都未過門就成日黎過夜，我覺得好醜。男家一定冇咁有所謂，唔好睇既係個女仔及其家人
2個讚
無錯，其實個女既同其屋企人醜怪我都唔理
但真係影響同住家人
好自私既行為
1個讚
準備結婚, 間唔中一次半次都OK
有邊個父母想自己個女咁委屈, 同男家成家人一齊。人地屋企可能唔著衫著孖煙通, 個女屋企就咁吊帶熱褲 (我哥個EX係咁! ) 睇到眼都突真係。
可以比個女個個禮拜去人地到瞓嘅女仔屋企，應該有d問題。可能父母唔識教，又或者個女係敎唔到嗰種，唯有由得佢。
2個讚
真係好普遍，咁點解唔去開房，一個外人任入來影響家庭生活
我既答覆係沒話男去女家定女去男家，亦沒話個個星期去幾多日等，每個case都唔一樣，最緊要大家有互相尊重同溝通，我既答案係針對D話咁樣就係女仔cheap或者沒家教既回覆。
我覺得與其話個女仔沒家教，你又咁唔鍾意，咁不如管掂自己個仔先。而且我既答覆其實係男都可以去女家，我主要既point係都成年人喇，做家長要通氣D。
但睇你既回覆，你同其他2位jm話就話唔關sex事，但其實講到尾都係覺得咁樣係女仔比人happy, 係cheap。是但啦，大家價值觀唔一樣，而且我覺得咁大個人，衣個時代，做呀媽真係通氣D好。
況且其實係香港因為樓價貴所以先會有衣D問題，其他大部分地方既年輕人都自己搬咗出去啦，仲要咁樣留宿，咁係大家既仔女沒本事搬出去，唯有怪自己仔女囉。
5個讚