係冇分男女既，不過真係如果父母有教，應該唔會鐘意自己小朋友個個星期去打擾人地屋企
不過真係價值觀唔同
人人有唔同睇法
但我估做父母既應該多數都唔鐘意
唔去開房係因為佢地覺得結婚前係要同男家家人咁樣相處下先知夾唔夾，以免將來後悔
藉口
好多都係一入屋就入房閉關，何來相處
1個讚
讀小學嗰陣媽咪教落，如果結婚後要同老爺奶奶住，不如唔好嫁，所以我真係唔明點解d人要爭住搬去同d外人住，阻到人之餘自己又唔方便，仲要名不正言不順，人地睇你係有自己屋企都唔返，係要癡埋來咁。
3個讚
未婚去男仔屋企住，係無家教。
完。
5個讚
女大女世界，愛情大過天，又點會聽父母話？冇奈～
咁應該教育自己個仔而唔係覺得人地個女cheap，自己個仔唔帶返黎個女仔可以自己衝黎？自己個仔都教唔掂嘅話，憑咩話人地個女？
4個讚
點解覺得個女仔冇家教，但唔話個男仔帶女仔返屋企訓冇家教？ 
7個讚
唔係Cheap嘅問題，係打擾到其他家人嘅生活
1個讚
係喎，我都理解唔到點解剩係話個女仔cheap，但就冇人話個男仔帶個女仔返屋企有問題？講到個女仔好似係自己有鎖匙上去住咁。
依家咩年代呀？仲男女唔平等成咁
2個讚
係我就2個都趕走, 無話邊個特別cheap, 無能力就唔好搞咁多野
2個讚
係，比著我都覺得好煩好阻住晒。多左個外人，想敷mask都要就住就住。
如果個仔真係成日要個女仔上黎，我一定再教育佢，咁既行為好自私唔理屋企人感受。間屋係佢既冇得講，但間屋係父母既佢有冇問過父母感受？識唔識尊重人。
呢個世界講男女平等，但大家心知有d嘢係女仔會sit底，如果搞出人命，個肚係響個男定女度？邊個會最受傷害？所以根本冇得講絕對平等。就算唔覺個女子cheap，我都會覺得個女仔冇乜家教，成日上人屋企過夜都覺得冇問題，有冇考慮自己會影響到人。同一情況一樣apply響男仔度，不過我都幾肯定絕大部份有女既家庭一定唔會比個男仔成日上黎過夜。
如果咁想互相了解，一係搬出去，兩個人搵埋唔夠搬屋就即係未有能力成家，咁唔該安安份份努力工作，有需要就去九龍塘，唔好煩到屋企人。
1個讚
我冇話個男仔有家教喎。洗完唔洗講埋佢地老師冇教？隔離屋冇警告？唔好Spin啦。
4個讚
我唔會輕易話人地冇家教，你點知人地屋企冇教過？
正常拍拖都18 22了，愛情大過天，尤其啲女仔，俾人TUN 兩 TUN, 好易失去理智，聰明變白痴。親熱行為，對女仔既傷害大過男仔，社會道德標準，大肚，性病等等，仲講咩CHEAP 唔CHEAP ？正常父母，邊個想仔女既男/女朋友上自己屋企過夜？
利申：反對自己仔女去人地家過夜。
咁個個父母都偏心自己個仔/女架啦…
個仔唔應該冇問過屋企人就邀請女友黎住，個女仔都唔應該去住囉
講真就算男朋友唔識做，個女仔都要識睇人面色，話唔定人地出到聲講之前已經暗示過好多次
1個讚
咁而家係邊個開post？如果係個男仔開post大家咪會話佢有問題點點點
個女仔開post問，咁咪針對返女仔既問題答囉
3個讚
老人家眼中會覺得cheap
我老公未結婚時 同細佬+呀媽同住，細佬又係個個weekend都帶女朋友返嚟過夜，其實個女仔已經係好nice好易相處嗰d, 我奶奶亦都覺得冇乜所謂，反而係我老公好唔鍾意，覺得屋企多左個女仔好唔方便，覺得佢成日嚟過夜好唔識做，久而久之佢都好唔鍾意呢個女仔…到而家大家都結哂婚 我老公同呢個弟婦都冇乜兩句
3個讚
個個唔做企道德高地喎，覺得cheap就cheap架啦
個個星期喎而家講緊～～女既點都會係俾人覺得送上門架啦，男既無錢俾的士錢/租房錢？
我同你一樣去男朋友屋企訓2日 反而佢屋企人又無乜所謂嘅可能因為想男朋友留多啲係屋企 
有時男朋友都會去我屋企訓 我屋企人都覺得無問題～