剛食完榴連，同埋衣排狂食山竹呀，芒果，遲D有得食紅毛丹等，諗起就開心 
我好鍾意食熱帶水果的
不過真係做左人老婆之後先知原來水果都唔便，以前做女嗰陣，屋企有就食，不過其實好多嘢真係嫁咗人之後先知價 
你地有冇D咩係嫁咗人先“叮”一聲？
2個讚
我都係，不過老公有陣時會攞生果反黎，奶奶都會買反黎
一頭家嘅開支，柴米油鹽，水電煤。
做女時都有買幫手買餸 都知價
但水電煤就結婚後先知價
阿爸阿媽有幾縱容我。
仲有管理費、地租同差餉，以前從沒留意。
我知！因為亞媽除左橙蘋果，一賣其他生果就會話：食生果仲貴過食一餐飯…
結左婚先知一個月用咁多廁紙 
原來煲湯都唔平！
咁衣樣我又沒留意到喎，因為我都係叫工人姐姐買，我沒留意佢幾時買
另外有叮一聲既係原來煲湯咁貴，以前屋企日日煲湯都唔覺得係一回事，出咗嚟先知，嘩，一煲湯原來至少100元
哈哈，我剛回完另一jm就睇到你嘅cm 
係囉，以前仲覺得要成日飲湯。。
我冇工人呀，試過用晒廁紙要用抽抽紙頂住先
煲湯係豬瘟之後貴左，以前兩個人飲2-30蚊瘦肉都夠
d海味藥材全部係我阿媽俾，搬出黎先知煲一煲湯要咁多種材料，大袋細袋塞滿一格櫃
原來自己啊爸阿媽真係好錫自己
佢哋會盡最大努力比咁好既生活自己
佢哋其實背負好大壓力
唔買唔知8k米同一排12卷既廁紙其實係用得咁快
新鮮雞同牛腩好貴。。我未嫁前食好多新鮮雞同牛腩
而家？急凍雞翼同牛肋條吧
我爸以前煲好多湯，嫁咗之後我奶奶唔煲湯，仲係咁鬧話啲湯無用，我有時都煲，而家都完全唔煲喇，一來貴，二來怕肥，我啲小朋友對湯嘅印象就係金寶湯