可以分享下大家幾歲，幾錢人工同比幾錢家用屋企嗎？
呢d問題好私人，同埋人人屋企情況唔同
有d人覺得比40%先孝順
又有阿媽覺得再幫手儲錢
又有d覺得，唔駛倒貼已好好
因為岩岩嫁左 覺得遲下屋企人退休 要比多少少家用around 萬幾兩萬 ，如果生埋仔應該會好吃力
年齡人工做按揭先會話比陌生人知。
N年前我啱啱出嚟做嘢，俾一半，因為阿媽幫我草
依家個仔做嘢，我唔使佢比，因為佢喺外國交租交稅開支大，我亦唔需要佢嘅錢生活
1個讚
錢冇人嫌多嘅，但比唔出都冇計架
你都好好呀 上一代好多都未有儲錢退休嘅觀念 無得唔比啦 我地生唔生都未知 兩個而家26歲 收入 total 8萬 不過一加埋家用同小朋友 應該無乜錢可以退休啦
8萬比好多人好好啦，真心睇送食飯者
0，從來都無俾過，不過會用錢係父母身上，但只係d普通嘢，例如去旅行、食嘢
1個讚
我…超好彩。1X年前開始玩亡國先知道要比家用呢樣野。
先父從來無提過呢樣野，只叫我努力讀書搵份好工，靠自己。我搵到錢之後佢就走左。
到我結婚我都無問過老公拎家用，有錢撈亂使。
1個讚
係呀
佢地好興用家用黎衡量子女係咪孝順
3個讚
我無,過時過節先會比
平時比佢唔會要
50%人工
我印象出第一份糧時想送野比爸爸，佢仲話唔使，話佢有錢，唔使做女兒既我比錢佢。話咁樣好肉酸。
1個讚
嘩
咁你自己個家庭夠洗嗎？
定係你未婚仲同家人住緊？
50%超級多
1個讚
我剛出嚟做嘢未結婚果陣同屋企人一齊住, 就俾50%人工. 但結婚後再加上有小朋友就減少了, 除咗因為自己家庭開支大咗之外, 仲因為我剛出嚟做嘢時, 要養晒全家, 仲有個讀緊書嘅細佬… 當細佬都畢業大家都俾家用時就可以分擔一下了. 我而家大約俾人工20% (而家嘅人工又同當年未結婚嘅人工有唔同啦), 過時過節平日出街食飯另計! 不過其實呢D都係睇每個家庭需要, 我屋企得我一個人搵錢時, 當然要付出多D啦!
原來係咁，你一個養三個係唔容易
我估如果有自己家庭應該好難會比50%人工家用？
會吃力D囉, 不過如果你人工高又唔同, 哈哈! 再講, 錢呢D真係多有多用, 少有少用… 我有D朋友搵錢唔多, 都可以養得掂幾個小朋友, 冇嘢話唔得嘅!
係，睇餸食食飯
已婚，分開住