其實每月攪個黃店感謝日得唔得呢？
反正對家真係好驚驚咁。
大家點睇？
贊成，以Aeon為例，每個月有兩日感謝日，逢星期三又有優惠，佢地特價日已夠晒深入民心，到咁上下時間個個c9都記得要去Aeon消費！如果做到咁效果就好成功。
2個讚
習慣已養成, 基本上日日都幫趁
不過搞下都係好事, 黃圈要持續擴大
2個讚
好似51咁咁大規模既活動變成個個月搞好易變成日常, 未必做得起個gimmick.
呢D黃店感謝日只可以由D店鋪自己去搞.
用返TAOBAO 黎做例子, 當初搞雙11時好大迴響, 但當幾年之後想抄雙11出左個咩雙12, 就會變得普通.
我個人覺得大規模既黃店活動不宜太多, 搞都要扣得緊個主題.
日常與其以搞呢D大規模既黃店活動為主, 不如宣傳多D要將黃色經濟圈溶入日常生活當中.
2個讚
好主意呀，即係好似回饋下支持者咁。
其實我都唔係幾分得清，邊間係黃店，
求高手指點⋯⋯太興⋯⋯係黃or藍？
一定唔係黃
2個讚
我覺得好多黃店都係小店, 其實經營上可能都有唔係咁易, 唔似得D藍店大集團連鎖式經營… 我唔太贊成經常搞優惠, 我亦唔會因為有優惠才幫襯… 除非一D特別日子, 好似今次五一咁, 間中搞下就唔錯嘅!
其實已經養成黃色消費習慣
不過搞D 「XX節」咁宣傳下都好
可能1年4次咁? 太頻密又未必好
我覺得又可以試下，如果唔係每個月，都可以試下每季。始終生活要買、要食，一定要消費，不是黃就是藍。
如果好似AEON咁個個星期「少少優惠」，己經幾肯定可以吸到d淺藍或中立既JM幫襯，長遠仲可以改變佢地既消費習慣
互惠互利，佢地買到食到好野平野，經濟圈做得更旺場，希望個勢可以越做越好，越做越旺。
1個讚
有jm shared 過
之前已經有…逢星期四買黃爆買…
不過個時唔係人人都會做，我就無
刻意星期四，平時已經係幫襯黃店
每星期最小一次會幫襯一次黃店外
賣晚餐，有時兩次，加埋疫情閉關星
期日中午會叫黃店外賣點心…
其實唔使人叫自己定時定候去幫襯
黃店，你幫襯黃店亦都幫到好多人…
1個讚
要慢慢黎，每個月未必做得切個noise
咁既型式就係我講既由店鋪（或者幾間鋪合作，或者區內店鋪合作去做），要做到51黃金周咁咁大型全港性既就比較難。
做得太多欠缺唔同主題變左日常都會消費左呢個gimmick，想下年度再發起一次咁大型既會比較難，common sense作為消費者咁諗就係下個月橫掂優惠都會繼續有，我做咩而家要join，下個月先join都得啦咁。
日常黃店消費同大型全港性活動一定要有分別，如果唔係消費左難得做起既gimmick就會浪費左
1個讚
有人攪起，我地會力推
2個讚
其實51我都冇專登去有折的舖，總之黃店就得
4個讚
我都係，有d太平唔想佢地蝕做