我呢幾日嘔得好厲害，食乜嘔乜，連黃膽水都嘔埋。
究竟可以點做？
醫生會建議食乾身食物e.g梳打餅乜乜乜
但對於我都係廢嘅
日日都嘔黃膽水 嘔到入醫院吊鹽水
所以最好嘅方法就係～等
會挨過的
2個讚
我都係岩岩上2星期捱過咗孕吐既日子
嘔到牙骹痛 直頭有啲懷疑人生 仲輕咗勁多
我係食到野時盡量食少少梳打餅/生果吊命
我有朋友話飲少少果汁會比飲水冇咩易嘔 對我嚟講係有少少work
加油呀
會過嫁
話梅啊個啲得唔得？
要飲啲保礦力！有冇食葉酸（雖然唔知關唔關事）
其實我生bb冇嘔過！以上提議唔知有冇效！
不過加油，希望好快過！
我得作嘔咋
我自己就食生果，餅乾，飲熱水/熱檸水同蘋果汁～
捱左幾星期胃口開始好轉～
你可以試下呀
話梅我聽人講唔好食太多，不過我覺得都有少少幫忙
希望幫到你啦！
醫生話捱過12週就會好啲架啦
加油呀
我自己覺得有用嘅係食梳打餅同含薑片(檸檬薑/冬薑)
另外有朋友話含陳皮有用，同埋飲唔凍嘅雪碧
盡量少食多餐
其實做晒以上嘅嘢都係會作嘔同嘔
不過叫做好少少咁解
唉… 我真係覺得好辛苦！
半夜訓訓下都爬起身嘔
頂唔順可以去睇中醫
如果情況真係太嚴重，其實西醫有啲止嘔藥，對大肚婆係安全架
都係驚嘅話，可以搵番睇開嘅婦產科醫生去開俾你
訓訓下都嘔真係好慘 
都係個階段，捱一後日子，總會過。d人話媽媽唔舒服，即bb好健康
苦中作樂
媽媽，加油！
2個讚
我6週嘔到陣痛冇停過。去到邊嘔到邊
小食多餐，如果真係嘔左，就盡量只係食啲乾身同埋冇味嘅嘢，例如白麵包同梳打餅。
我嘔到36週
政府醫院會同你講冇辦法你捱下啦
私家醫院會開胃藥同止嘔藥
止嘔藥食完會眼訓同肌肉冇力
嘔同止嘔一樣辛苦
梳打餅、話梅、薑糖都有用
但唔係100%有用
仲有一樣好神奇就係麥樂雞同豬柳強
（俾啲唔知情嘅人話我食藍店
）
所以買啲自己鐘意食嘅野
食得幾多得幾多
嘔完抖下有肚餓先再食過
去到飲水都頂住，想嘔 
我孕吐加火燒心，當時梳打餅係我嘅朋友，同埋都會食一粒話梅，個人感覺舒服啲。但真係要捱過依段時間會好啲，加油
我嘔左四個月，日日食話梅頂住，
之後我去健康院佢開咗止嘔藥俾我就好咗好多，食左2 3week之前就冇再嘔。
我嘔左6個月，早上無食野照嘔水、胃酸，因為要返工唔可以隨便去廁所，所以食止嘔藥，只係要頂眼訓，其他無特別。
但唯一食魚柳包、飲麥記鮮橙汁就無事。
當年陀大女嘔到生… 16wk 時得返84磅… 排骨青蛙咁得個肚
嚇壞哂身邊所有朋友
頭4個半月基本上食乜嘔乜… 朝早未食野嘔白泡… 嘔完白泡嘔黃膽水咁… 一樣半夜都會爬起身嘔… 坐車返工拎住個膠袋嘔…
基本上冇乜野到肚… 嘔到差不多隔晚見暈要去急症室吊鹽水… 亞b响肚入面照大…
我嗰陣食乜都冇用… 止嘔藥食咗可以嘔返半粒未融哂嘅出嚟 梳打餅乾嗰啲嘔得好辛苦… 哽住咁嘔出嚟… 橙之類嗰啲就會酸到喉嚨痛… 蘋果好少少𡁻碎啲都易嘔啲… 粉麵嘔出嚟都舒服啲… 粥同果汁嘔出嚟都會好酸…
慢慢可以忍到食完野即伏低… 15分鐘之後先嘔… 嘔少啲咁… 嘔到後期7個半月左右好少少… 但31wk左右個肚大… 頂住個胃咁又嘔過… 真係經驗豐富
嘔到怕… 但都決定生多個… 印象中第二胎嘔到5個半月左右… 到8個半月又嘔過咁… 叫做陀得舒服過第一胎
唔係要嚇你… 只係想話你知… 肉隨枮板上冇得你揀… 有我呢啲嘔到咁辛苦嘅人… 但我都捱得過… 你一定得… 嚟緊每個階段都好奇妙… 係你同肚入面個b 嘅共同經歷嚟！
建議你食想食嘅… 嘔都嘔得抵啲
我嘔左近4個月
我自己就食薑可以止下嘔
另外私家醫生有開止嘔藥俾我
我嘔得太嚴重
或果日要做野想控制下嘔吐
我先食番粒止嘔藥
同埋真係要少食多餐
因為食得太多我又嘔
冇食野又狂反胃想嘔
長期都有個嘔吐袋跟身先
同埋不停試自己食到咩
食到咩唔嘔就食咩啦
垃圾食物都照食住先
無計架，我都突然有一排只想食薯片
都照食，但控制一下份量啦
加油，好快捱過架喇
我有試過含薄荷糖⋯⋯ 對我work lor…