下星期已立夏，天氣已不會再凍，25/26度一定日日差5多，又到泳水季節，泳池已收皮，無7月都5開番，大家去開邊度游水多，討論下交通，乾净程度呢！
屯門
蝴蝶灣(長期欠佳水質，近堆填區，污泥廠，3支煙通，吹東南西風也多垃圾，水有怪味，又多石，只有阿伯及大陸人/阿差先會下水，只有4/5月及9月少人月份先可游，夏季太多人及垃圾，始終太近民居，又有bbq想乾淨也難
屯門
黃金海岸及咖啡灣
其實太近，黃金海岸及咖啡灣可以當一個灘，真係响隔離20秒路程，屯門最好是呢度，但也是名太於實，少沙又無咩石，但極多人，平日也有200/300百人，假日會X10倍，水深，小朋友好快過頭，咖啡灣優於黃金海岸(因為5近更衣室少d人)，多大陸人，少鬼佬，整體好一般的沙灘，夏季好多垃圾，無計始終近民居及三聖
屯門
青山灣/加多利灣
面積不大的2個灘，好近3聖及漁市埸，水質想好也難，無游過，答5到水下環境，住附近可以一去
總恬屯門泳灘比南區/西貢/大嶼山的沙灘差太遠，太近民居，大陸人太多，玩沙都得，下水可免則免，可以的話荃灣18咪附近仲有2，3個灘，但始終未游過，搭車經過見環境都ok的，有無其他家長有報告？
淺水灣
我今年去過五、六次，自封關後，著高踭鞋拎著縮骨太陽遮既大媽完全絕跡沙灘，滿眼所見都係著三點色既外藉美女或本地青春少艾，係淺水灣絕對係鬼多過人，因為疫情無得去旅行既你，不妨想象自己去左外國。
水質方面就唔好寄予厚望，唔太差既，都可以游到水，沙粒就非常幼細，矖太陽一流。如果要去，建議早d去三點前走，因為我見好多人係2點後食完晏先入黎。
南灣
呢個灘係淺水灣再行20分鐘，或搭10分鐘的士先到，識途老馬先會去，又係鬼多個人。以前我成日去貪無遊客，避開哂自由行，上個星期去左都幾失望，因為D沙質素降哂grade ,可能上完山竹效應，沙上好多細石好吉腳，水質就同淺水灣差唔多。有間士多仔可以租太陽傘，盛惠$180把。
石澳
我有幾年成日去，一落車好多原居民嬸嬸會sell 你租沙灘椅同太陽傘，游完水我通常會去士多比$50澡一個舒服既涼先返屋企，但依家疫情相信應該無得沖。石澳既水質比淺個邊好，即使遊客高峰期七八月，岸邊都見到底，好幾次都見過有魚仔，浮台個邊更多魚，遊客都多既，但多之餘都唔算太迫。
2個讚
石澳我5月5日先去左，水質好好，有魚仔，山竹後已經無了浮台，吹南風無咩浪，要玩浪要吹東風才去，香港人多，鬼佬通常去大浪灣多，但水中間中有樹葉及其他植物，但總比膠袋，水樽好，走人時可選小巴或巴士，條山路無咩車，閒日都有5至6百人左右，星期六日估算Ⅹ10倍左右，家長要盡量平日去，好多人私家車去，一有意外會塞大車。
光復淺水灣
21號後有反救生員未？有水沖身嗎？
尋日（15/5）又去左淺水灣，平日遊客稀疏，我同老公都覺得有去左東南亞旅行既寧靜感覺。可能風向關係，我從未見過淺水灣既水咁清，海水浸到大腿都清澈見底，游去浮台時竟然有幾條魚仔係我眼前跳耀！真係要好好珍惜自由行未返黎前既淺水灣