如題
我個個2歲半，諗住呢個月日日係屋企，全力同佢戒片，屙到就狂讚佢，又俾獎勵佢，但搞咗成個月，未試過自己同我講想去廁所。。好挫敗 
係咪佢真係未ready?
我仔一到三歲就戒到，連夜片都一次過戒埋
2個讚
我細果個都係咁上下
急唔嚟 迫佢嘅話佢直情成日都唔屙 
1個讚
要同人比較鬥快就 1歲戒到
唔急就正常3歲半就完全戒到，唔駛迫得咁緊
1個讚
我女三歲幾先戒到，如果妳見到佢瞓晏覺塊片冇濕就開始得，夜晚瞓覺塊片都冇濕即係佢忍到了。多啲讚賞同鼓勵，令佢有滿足感就好快成功，不過唔好操之過急，祝早日成功 
1個讚
個個小朋友唔同，我比較舊式，我個女一歲就幫佢戒日片，歲半戒夜片，都算成功
1個讚
我女女2歲戒晒日夜片
1個讚
佢可以表達自己想去廁所先係ready. 個個小朋友都唔同。以我女果班為例，有人N班前已戒片，雖然有老師幫手戒，但亦有小朋友差唔多完N班先戒得成。男仔戒又慢過女仔。通常K1之前都會戒到，唔洗心急，慢慢黎啦。
1個讚
我個仔又係2歲幾，學自己去小便好快成功，但去大便搞咗成個月都未得
1個讚
我小朋友2歲10M戒片，1星期就ok，期間瀨過3次
到3歲戒埋夜片
Touchwood依家4歲幾無瀨過
所以我覺得唔使心急，小朋友ready成件事會好快好easy，未ready就有排搞
1個讚
係呀，我之前可能逼得佢太緊要，佢依家都唔係好肯去廁所屙
我以為大便會易學啲添
咁你個時係見到咩signal先同佢戒片架?
我個女到k1尾仲著緊夜片
但個仔戒得爽好多，仲有幾個月先三歲既佢，向兩個月前開始同佢戒，一星期攪掂！連夜片都唔著啦！唔通男仔真係易戒啲
我個女兩歲兩個月就戒左，返咗PN一個月之後用咗一星期戒。日片同夜片同一時間。
其實我覺得好睇佢哋自己千祈唔好逼佢 ！每個小朋友都唔同
你哋幾歲比佢出街唔著？
屋企2歲就戒左，但唔知幾時出街都唔著，尤其要搭車咁點
自從佢戒左片，著過底褲仔之後都唔肯著返片。所以我哋出街都係著底褲仔。定時帶佢哋去廁所應該OK 
臨k1前都ok啦，唔好急，如果有返N, 學校應該會幫手建立去廁所嘅常規。（？）
無signal㗎，只係趁住長假期所以幫佢戒
坐車都唔驚？成日驚坐的士或者校車點算