我個囡一出世因為排唔到胎瀵，即日開咗個造口，我啱啱生完都唔知咩情況，到阿囡做完手術，想了解多啲，發現網上關於造口bb 嘅資料好少，同埋好舊，又冇乜過來人share ，所以想係度分享下。
一開始好彷徨，要學點幫佢換造口袋，點樣照顧佢，真係好驚好擔心! 又唔想嚇親4大長老，係佢哋面前仲要扮哂唔駛緊張，加上自己啱啱生完，身體又未復原，成日都擔心到喊 。。。
望住其他bb幾日就可以跟媽媽返屋企，我隔咗2個禮拜先第1次可以埋身餵，好唔開心，成日諗點解我bb要受咁嘅苦
第1次學換造口袋，咁啱佢個造口流血，睇到我頭暈，如果唔係老公係度，真係唔知點算!
依家總算熟習咗點換袋，睇返轉頭其實成件事唔係咁得人驚，係我哋對造口呢樣嘢完全0認知先咁worry
唔知有冇爸爸媽媽有相似嘅經歷
不幸中之大幸係個造口只係暫時，好期待關閉造口個日快啲到呀!
推
幫推，加油呀！
有冇搵醫院社工或者護士，問下有冇互助小組。小組。我只知大人有.
祝福BB早日康復，長大將來一定會是個堅強的人！
加油
希望你bb快啲封關
，以後都身體健康
我女曾經係造口BB,造口BB 照顧唔算麻煩，加油！
我睇到都擔心
希望BB快快康復，做個健康乖寶寶。
辛苦爸爸媽媽了。其實有無問過醫院有無D互助小組咁架？
多謝大家 
以我所知香港係有個造口人協會，之前阿囡個傷口生咗粒肉芽有啲啲血，都有試過打去問。不過遇著禮拜日要等到working day先call 到。
佢哋好好，有護士覆返我同俾啲意見我，佢話有需要佢哋都可以上門。
多謝你呀！依家熟手咗，就覺得舒服好多，唔係想像中咁麻煩喇!
想問下，造口閂咗之後bb係咪會肚瀉得好嚴重架? 同埋會唔會留好大條疤? 
推…媽媽加油呀
您好堅強, 加油!
加油
加油
幫推
岩岩生完就要照顧造口bb 一定好大壓力
加油
請問出世之前照u/s有冇發現到有呢個情況？
加油呀，祝bb健健康康
加油啊媽媽
加油呀！
照唔到，佢腸同肛門位只差1cm, 結構都睇唔到咁細。不過醫生都話唔駛擔心，好彩係依家醫學昌明，唔係啲跟成世嘅問題黎嘅