我係全人奶媽，BB由出世到而家兩個幾月，從未試過可以連續訓三個鐘，有諗過或者埋身啜少少就訓左，所以有泵出來用樽餵，好似夜晚11點會用樽餵4oz，但係飲完最多訓個半鐘就醒，之後無限loop1個鐘/45分鐘/40分鐘至5/6點，日頭更差，成日短訓10/15分鐘，有用包皮包實，試過放大人床（我知唔係咁好
），又試過放high chair搖住訓，其實我預左攰，但係個人攰到連奶都開始少… 請問仲有乜方法？ 
我仔仔初生嘅時候都係唔瞓覺。
我後尾決定瞓住埋身（預咗佢會暫時獨立唔到）
但係至少佢啜到瞓係瞓得好d，
瞓覺時間長咗，
咁我自己都瞓得好咗有精神。
好多人係唔贊成我個方法，
但係我自己都太攰，無辦喂完又氹瞓覺。
所以都把心一橫暫時放棄要佢自己瞓，
仔仔而家3歲都係要痴人一齊瞓。
1個讚
可以一覺瞓天光，我認為先天佔多數，慢慢來吧。
我2個都好耐先得，冇得強求
有冇觀察下佢有冇食飽？通常埋身會餵到佢自己鬆開自動訓著為止，咁就應該食飽，如果食完個咀仲郁郁下，要氹先訓，即是未飽，唔飽一定訓唔長
我都試左，但都keep住1個鐘醒一次
其實可以連續訓2-3個鐘我已經滿足
我都咁諗，梗塞埋身佢緊閉個口唔開如果肯開又唔啜，唯有再嘈醒佢
有時我都忍唔住為咗俾佢瞓耐d攬住佢瞓
好矛盾 
人地話bb成日訓
但我bb都係訓得2-3個鐘
呃人既
身同感受，因為我都係
其實我已經第三個，但成日訓個concept真係無試過，個個都訓得少，係大個D起碼1歲先成日訓
我都覺得係先天因素多，第1胎要到6個月先可以夜晚連續訓6個鐘，依家第2胎，2個月已經自己戒夜奶 
2個都一樣咁湊法，所以應該係睇bb自己。
佢訓醒係扭抱? 定真係肚餓呀？
我細仔都係2個月啊，我係全埋身每次佢都係食10分鐘左右就訓，日頭既話食完奶訓到1個鐘或者半個鐘就醒，夜晚11點零埋身最後一次奶就可以訓到3-4點先起身食。
似想人抱下同啜下拎安全感多D
日頭情況同你一樣，都係全埋身，夜晚係11點餵泵出嚟，等我老公餵而我早D訓，可惜到1-2點就醒，之後我就全埋身，又係1個鐘無限loop
其實餵人奶都好睇媽媽食既野夠唔夠。我每日都飲1000ml既湯，再飲好多水。食野方面盡量食多d澱粉質例如飯、薯仔（我晏就同夜晚都會食飯，夜晚會食兩大碗飯。不過都好睇BB食得好唔好,食得好先刺激到製造母乳
媽媽，你要加油啊！
會唔會播啲細細聲既催眠音樂試下？
擺個滴答時鐘
陪訓？
多謝提醒，其實我夠，而且可以儲到，只係BB唔太願訓
摘答聲末試過，等我試吓先