事源係咁，本身我住條街都好清靜，上年樓下開左間扒房定酒吧，一直都冇咩事。
今年二月開始，間野就每星期三五夜晚開始會有音樂會吸客，10pm-2am 仲試過去到三點仲彈結他唱。佢有擴音器裝係天花，但係就冇做到任何隔音措施，所以樓上都好應聲，基本上歌詞都聽得到佢咩緊咩。
有落過去同負責人講，佢都係草草了事，話"我地一星期一次咋"(事實就每星期起碼都有兩次), 又話會裝隔音措施，結果過左兩三個月都冇見有裝。
每星期有兩晚都好難訓到，屋企小朋友都試過嘈醒。
之前兩個月都覺得黃店黎，遷就下。但時間過左唔覺得佢有改善到，加上宜家陀緊細B, 我都想有教好訓，間酒吧唱歌樂器加埋d客嘅囂嚷聲真係好難訓到, 我已經閂左窗開冷氣訓。
唉，有咩方法解決？投唔投訴好 
(宜家未訓因為佢仲唱緊）
再試吓同佢接觸傾下，講你既苦況，希望佢哋改善
再唔係搵區議員
會唔會考慮同區議員講？表明唔係針對，而係真係對日常生活有影響（可以錄音/拍片助證）。要求佢細聲啲/早啲完。
有時就算大家係黃，都唔代表唔可以提出意見嘅。希望溝通多啲之後，對方會明事理啦…
溫馨提示下，佢哋明事理的
試下用心講解下你既concern,大家同路人，相信同路人會比藍絲有同理心
多謝大家嘅意見！
其實除左有親身落過去講，我都有係間吧嘅fb page inbox過佢地。
頭一次都有回覆話會改善，咁到宜家都未有啦，仲加劇左。再inbox佢地，都唔覆我喇。所以我先咁困擾，我體諒佢地時又有冇體諒我呢
搵區議員都好，睇下幫唔幫到手溝通下。
你啲鄰居有冇覺得嘈？如果有可以連同佢哋一齊同間吧講，例如寫信簽名咁，証明唔係你一個既問題，人多啲佢地可能會認真啲處理
噪音問題太滋擾…
呢啲屬公德心問題，咩顏色都唔係擋箭牌
同佢溝通都無效，就試下搵區議員介入
如果都唔得就唯有用強硬手法啦（希望唔好到呢一步）
雖然應該體諒黃店，但搞到太夜又真係好難頂。希望區議員幫到你
搵區議員或報警, 佢地犯緊法
黃店唔係大晒
區議員會幫到手
投訴啦，佢當你係手足就唔會咁啦，你錫佢都要教佢啦，又唔係要佢執
既然有反映過都無改善就更係投訴，搵區議員幫手，如果可以，搵埋幾個鄰居一齊反映
搵區議員完全無問題，睇下點樣最好解決，個人唔建議報警，睇區議員意見先
唔好內耗 矛頭要打藍店！
唔好報狗啦！比我都唔想同狗講野，搵區議員同佢地傾下。