藍絲同紅媒又話今日有炸彈嘅？

[CoW_CoW]

@fatpigpig

感覺上佢地想用輿論推到香港人同勇武/任何黃色行動割蓆，即係「因為勇武/黃營有行動，所以黑警要出嚟打人捉人；所以市民冇得去商場，商場冇得做生意」，帶出「只要乖乖地做返青蛙慢慢被煮熟，就可以俾少少自由你（等你變做奴隸個過程舒服少少咁）」。而且喺武漢肺炎有好轉嘅時候做呢，就可以spin咗個經濟差嘅責任去社運度，誤導受武肺影響嘅人，令佢地漸漸忘記本身個問題源頭係中國隱瞞疫情+港共唔封關。

其實今次社運出現係因為港共一意孤行，冇理到市民意見（陳同佳明明可以做單次引渡），然後市民6.9出嚟反對，接住係6.12警權過大，用不合理嘅武力鎮壓示威，6.16大量市民出嚟抗議，要求撤回送中條例+調查黑警暴行。但港共同黑警一次又一次濫用法律俾佢地嘅權力，用灰色地帶去侵害市民應有嘅人權。市民不甘被如此極權之政府統治，先變成咁多派黃營去反對政府。「攬炒」明明就係政府搞出嚟，只係佢地冇明言呢2個字。依加港共仍然不斷剝奪香港人本來一直有嘅權利，香港人仲有退路咩？黑警家下仍然係亂咁定義法律，禁錮人，恐嚇人，施行酷刑，騎劫消防/救護/食環/海關/地政/社會福利署等部門，強行要求佢地配合自己去亂執法/掩飾自己罪行。香港人要求撥亂反正，唔係應該架咩？

太長氣…總之呢，班藍嘅同紅嘅講咩都唔會改變到「港共+黑警出賣香港人，攬炒香港前途」呢個事實

Summarise 得好好

[Yellowmama2019]

@fatpigpig

感覺上佢地想用輿論推到香港人同勇武/任何黃色行動割蓆，即係「因為勇武/黃營有行動，所以黑警要出嚟打人捉人

不嬲港共同中共就係想咁，佢地都冇諗過上年大半年都分化唔到我地，所以佢地一定不用其極咁去令到我地割蓆！所以我地一定要團結落去

[toto8]

佢地想嚇到無人敢出街支持黃店，即係好似舊年每次大遊行前一定高調破獲危險品一樣，所以一定要繼續支持黃店，等佢地知道黃色力量有幾大