覺得佢做多左，好似搏新聞
朱智賢同人夫黎振燁的「偷食蛋糕」事件爆出之後，「受害者」之一的謝東閔事後陪住女友出席記招，揚言話一定會陪對方「走過呢一關」，又為偷食女友頂罪，捨己的他換來網民封為「綠帽俠」。至於另一主角黎振燁潛水4日，昨日終於現身，拖住大肚老婆上演一場「大龍鳯」。
被老公背叛之後，黎太就話「正常人都會嬲」。不過，念在有小朋友，同埋咁多年感情，所以決定原諒老公。接受訪問期間，黎振燁更表示同朱智賢的關係「唔係好長」，仲話好快就可以抽離，做返幾個星期前的自己。之後更向太太承諾，唔會再「重覆犯錯」，但就話有心理準備會被公司雪藏，不能再做幕前，但為賺奶粉錢，將來唔介意做體力勞動工作。
「大龍鳯」結束後，昨夜凌晨，被封「綠帽俠」的謝東閔突然開名鬧爆黎振燁，在ig 出post :「點解一個人用完謊言巧語之後，還可以站出來講大話？#黎振燁」。謝東閔鬧爆黎生之後，好兄弟郭子豪及唔少網友都俾like 支持。
係囉,驚死冇人知佢帶綠帽
衰D講，自己條女都管唔住
你條女夠講大話，話抽離唔到角色
同埋真正原諒，就一係似sammi、馬明，交代完就不要又挖出來講，仲要自己挖返出嚟又講，好難唔覺得你唔係搏新聞
我都覺得似係博新聞
愈講愈老土
可能tbb 要佢增加見報率
真係點解咁唔知醜
其實佢哋幾個都唔紅，靜一排再出返黎都大家未必會記得呢件事，但而家閔大人咁快衝出黎，係咪怕觀眾唔記得佢帶綠帽，要加深大家印象？
呢個男人，廢。綠帽俠，個名改得唔錯。
綠帽俠本身都係朱既第3者…
我睇左黎生同老婆段片，記者問乜答乜，佢真係唔想再撈，睇完感覺出軌後乜都認曬，可能佢哋擔心蘋果大把料喺手。
綠帽俠又係奇芭，邊有藝人仲會出嚟對件事說三道四，驚死觀眾唔記得咩，之前安仔，sammi都唔會開記招交待。
朱小姐之前都冇認過佢係男朋友喎 哈哈哈
本身兩邊都回應完未算囉
好地地又出post, 一d都唔型，似刷存在感
唔好唔記得你個所謂女友都講大話比緊綠帽你戴呀！錯唔會賤男一個，淫婦都有份
好無聊 
邊個講緊大話，謝生又會知
叫佢2個對質呀蠢
單信自己女朋友
條女唔賴哂落個男到
講到自己無辜，謝又點會出黎撐佢先得嫁
佢係真心___，唔係扮
如果佢真係為女友好就唔好再攪起件事啦，由得佢凋淡咪好囉，好似Sammi咁，講一次就夠，行動勝過千言萬語
明明男女都有責任，佢想做咩呢
X2
Cctvb 想做做綠帽俠係暖男， 可惜我哋眼中只覺得佢好廢
同馬明比，高下立見！
好肉酸