有冇人有左之後轉口味？
我變得鍾意食垃圾食物
腸仔飽 魚柳包 薯條 車仔麵
頭3個月日日反胃暈車浪咁
乜都唔想食 瘦左3kg
樓下商場不嬲食開既餐廳全部都突然變得超難食
淨係得快餐仲擺得入口
自己一個喺屋企唔想煮 仲成日食杯麵
過左3個月之後冇咁唔舒服
先食多返正常野
驚bb唔夠營養
陀囡時無唔舒服，見乜就食。到陀仔時聞到飯就想嘔，仲轉左口味勁鐘意食辣
我覺得同肚入面個B嘅口味有關
兩胎都係女
大女似足我, 喺肚入面我嘅口味冇變, 只係食多好多
細女似足我老公, 頭三個嘔到七彩, 口味變哂, 同我老公一樣鐘意食海鮮
我都覺得莫名其妙地愛上垃圾食物 
超想食韓國啲即食麵，忍得好辛苦，
正餐真係一啲食慾都無，但好想食煎炸野 
我都有轉左口味。
頭一個幾兩個月勁唔鍾意食屋企煮家菜
鍾意勁heavy既野 炸野個D 仲要好似食極都唔飽
維持左三四星期就飲食同胃口正常番
而家鍾意食生果同埋蕃茄既菜式
可能我阿b太鍾意食垃圾食物
反胃得勁辛苦嗰排要食梳打餅
得最平最cheap嗰隻先止到反胃
我老公話食辣會lar到阿b
但我超鍾意食麻辣
我一食牛扒個女就瘋狂踢我踢到我反胃
頭三個月我都食左好多垃圾食物
其他咩都唔想食
本身好鍾意食雞，但有左一食雞就想嘔
同埋變到好鍾意食甜野
本身唔係非常好甜
食左勁多糖水、雪糕嗰d, 經常飲檸檬茶 
唔知係太開心有得食牛扒定係抗議唔鍾意陣味先踢你
原來咁多媽媽都係咁
宜家諗返有啲擔心阿b食得太多添加劑
我覺得佢應該似抗議，我有左後平時食嘢好少反胃，一出街食餐好d既西餐佢就踢到我差啲嘔 
1個讚
變左超鍾意食芝麻湯圓
我冇轉口味因為不嬲鍾意垃圾食物
不過第一胎特別唔鍾意咖啡，聞到都想嘔，但其實我平時超鍾意咖啡，第二胎就冇呢個問題
好似好多媽媽有左之後，只食得落老麥，就算平時唔食
1個讚
頭3個月嘔時
只對垃圾野食有興趣
超喜歡食薯片
但又間中對濃味野好反感
之後就其實冇咩特別口味唔同
因為我一向都好喜歡食甜野
傳聞陀女鍾意食甜野
有時夜晚突然好想食糖水
另外一向食得比較淡
所以有次食完日式咖喱要我嘔番晒出黎
有次食左碗拉麵，唔知係紫菜難消化定湯太濃味問題
又係嘔番晒出黎
可以去超市搵一隻白色包裝，有個「辛」字同non frying嘅韓國辛辣麵，我啱啱有果陣覺得佢簡直係救星，落1/8包辣粉，叫做有少少辣味，又非油炸，食完都無乜罪惡感
1個讚
即刻試下先 
我陀仔嗰陣時超鍾意食糖（平時唔好食）office樓下有7仔，差唔多日日去買，好彩飲糖水都緊緊合格～
陀女就食唔到雞，KFC都食到想嘔～
我未有之前勁鍾意食垃圾食物同零食架，有左之後完全對哩啲無興趣，除左薯片，老公一食我又忍唔住偷食幾塊，忍得好辛苦，如果有比孕婦食嘅薯片就好喇 