我又黎個你問我答系列先
背景：90年代移民後回港發展，2015年一家大細回流加國5年几。
如何移民既問題可以唔洗問，因為當時係跟父母去既。
如對外國生活／工作／起居等等鎖碎事一直存疑／有興趣既可以隨便問。更歡迎己在外國生活中既JM一齊分享下。。。
3個讚
點解又返去？
對比之下，整體香港差d定果邊差d
職場文化係睇表現定係識人好過識字?
hihihi…死啦。。你係咪新地頭新朵？ 唔認得既我。。
返去係為小朋友讀書。香港既小朋友付出10分力未必有5分回報。 既然有呢個OPTION，就要襯自己後生動身。
好難話香港好定加國好，呢5年更令我明白每個地方都有利有斃。 但總括黎講，對一個正直壯年可以衝事業既人黎講，係香港好。
1個讚
呢度更加係識人好過識字。但肯捱肯做，用香港人既工作態度其實都唔難揾到食，什至做得几好，係個開頭會好難捱
我個人悲觀又多愁善感係比較多心事。。真係好難改
magma? 蛋黃？
1個讚
如果計劃返去
小朋友小學中返定中學先返比較好
小朋友一直係local 學校、英文好一般、擔心中學唔適應。
香港u grad, 做開CS , 過到去、又多數可以做咩工作。
几時番去係一個PACKAGE 黎。要衡量身家，大人工作，小朋友年齡，性格，邊個國家等等等
純粹睇小朋友，想佢大個融入主流，咁通常都係年齡細D 好。 因為大部分去到TEENAGE先去，本身好多變化可能會比較難適應。 而細個D過去就唔洗擔心PICKUP英文個方面。 但另一樣野要諗諗，外國教育（我呢邊），冇人會比壓力小朋友，成敗得失都係閣下既事。 唔係個文化唔需要有壓力，只係你死你事。 好多專業人士，佢地個個SEND 小朋友讀私校，讀書壓力同香港未必差好遠，長遠既成績同入讀既大學／科目就當然唔會係讀完唔知讀左D 咩個種啦。 咁一直ON下ON下話自由發展，最緊要開心童年個一批小朋友上到中學就好容易讀唔上去，因為呢度HAE到GRADE8 （即係中3)，一上到中4 D 野就會勁難，到左計分時就比蝕底。 雖然話向香港讀會擔心英文進度，但一批向香港讀開書既人去到外國，佢地好多除左英文，其他科都真係好輕鬆就拎到高分。
至於大人，如果向香港高薪厚職，我就覺得盡量推後個移民日子，因為黎到就預左揾唔番同級同酬，重新出發係得既，但過程會几辛苦。 咁如果大人向香港都係普普通通放棄份工都唔會有咩可惜既，就計一計數份身家可以頂几耐，去到揾到份普普通通既工，係唔難既。
2個讚
我計劃加拿大讀書移民，老公在香港份工都穩定唔想申請佢過去住，在申請表上冇佢個名,到時只帶小朋友去，老公唔知要唔要交加拿大稅呢？這個問題都好重要，因為我地要維持生計。
呢D要上番政府網頁睇資料／問番個AGENT好D。
照道理你去讀書只係拎住學簽既學生，未需要交環球稅
知道land 至計，不過稅想問清楚先。計劃都知道冇咁順利，可能幾個月就reject 連學簽都冇
最好問會計／移民顧問。唔敢亂答你。
我打算三年內回流温哥華。想問呢一排有冇因歧視有冇嚴重咗？我讀書時加拿大人真係好nice, 好好彩在那七年也末遇過岐視，但而家甘多大陸人過去，唉…呢幾年都有番去D人都冇以前甘nice ，esp the drivers…但又不是太差的，只是同以前比…
喺果邊容易識到local朋友嗎?
會否好難融入佢哋嘅圈子?
如何適應文化差異?
嗰邊多唔多中式超市？如果唔識揸車過去會唔會好蝕底 
對比20年前，感覺係冇咁融洽。 但好嚴重既歧視就唔多覺。
自己檢點D唔好做樣衰野，大家都會好笑容。
1個讚
識LOCAL CHINESE唔難，周圍都係。 但要完全融入鬼佬就難D，多數都好留於表面。
文化差異的確係需要時間，個社會做事文化同香港 "快靚正爽夾脆"完全兩回事，一D生活上簡單既事向呢度可以變得几繁複。 但住耐左就會習慣，EQ會高左。
世界唔會為你改變，唯有改變自己
睇你去邊
我向多倫多，唐人超市多到不得了，貨品種類可能多過百佳惠康。
唔識揸車，長遠真係唔太可能