街市d腰芒又平又靚，20蚊有3磅，又香又甜，又可以開始整芒果布甸了。
係呀！我都買左。
但整布甸咪要用好多好多囉？咁細隻。
1個讚
雖然細細隻，但核好薄好細。
我通常用7-8隻，整到細細杯約12杯，好夠芒果肉。
幾年前用呂宋芒多，有一年呂宋芒好貴，改食腰芒，原來都唔差，又香濃又甜，又抵食。
1個讚
我想問腰芒係咪大陸？
頭先去街市睇，細隻左好多又青，冇買到，過2日再去睇先
腰芒係大陸貨。
所以，我買菲律賓呂宋芒，或泰國水仙芒整甜品。
1個讚
水仙芒唔香，差dd。
但都非常謝謝你提醒。我都望下今年呂宋芒靚唔靚先。
但係其實我冇對中國貨好有潔癖，都唔會一定不用中國貨等，我對中國人或中國都唔會抗拒，我只係不會愛中共。
2個讚
細隻就算，靚既先買。
係呀係呀，夏天到又係最好既芒果時節，yummy。
但食太多又唔好既，適量啦。
大家因應情況買自己喜歡既芒果就好。
1個讚
水仙芒係咪無咁甜?
係呀! 我都見D濕疹有D痕,唔知關唔關佢事…定自己又食完海鮮
整布丁正呀~
1個讚
水仙芒用來整芒果糯米飯，肉多，配椰槳會提甜味
整芒果布丁/奶凍，就要用番呂宋芒。
不過今年的呂宋芒較貴(專賣呂芒舖)。
早3星期pk有呂宋芒賣(抵)，但只賣咗2水貨就冇再番貨。
係，但水仙芒大隻，肉厚，做芒果糯米飯用佢，好過用呂宋芒。
嘩~ 難整嗎? 我好鐘意食
唔難整，先浸米4小時，如果屋企有壽司布及蒸籠，就蒸籠內放壽司布(紗布)，再放上糯米，大火蒸30分鐘。
冇就放電飯煲內煑，按煑糙米。
糯米煑後襯熱拌入1/2椰槳。(椰槳先需加糖、少許鹽釣味，慢火煑滾後，先取走一半份量(此份量拌入煑熟糯米，餘一半份量加少許生粉水，煑滾，等佢杰身d)
水仙芒切件+有味糯米飯，杰身椰桨放在小碟或直接淋在糯米飯上。
食得。
網上(utube )有食譜及片可睇。
1個讚
謝謝你,呢幾日試下先,謝謝你
唔難整，尤其用電飯煲煑，好快攪掂。
泰國水仙芒惠long有得賣，留意有貼紙貼的是泰國芒，冇貼紙的是大陸芒。
1個讚
又係喎，芒果糯米飯好似係用水仙芒，yummy
我見果欄有50蚊7隻水仙芒，愛文芒今年好貴，220得6隻