我係教人同分享護理皮膚架，如果大家有皮膚上問題，可以不妨分享下。希望幫到大家。
或者可以大家一齊交流下。
大家洗面嘅時候，會用毛巾嗎？雖然唔環保，但其實我係用卷裝即棄美容紙巾
的。
因為毛巾都容易滋生細菌，特別放喺廁所。如果用上面其實都唔乾淨架。
5個讚
Hi,下巴生石頭瘡，點搞？
Hello，妳除左石頭瘡平時皮膚點架？例如會否出油？D瘡瘡係最近先出定已出一段時間？或者介唔介意講下妳平時護膚程序？覺得自己屬於咩性質？
因為好多時有D朋友仔會有誤解，以為自己有皮膚上嘅問題，只係單一針對去解決佢就Ok…未必係咁架。
所以我一般會問得仔細少少去了解左先。
1個讚
面部皮膚都好易敏感，油得嚟會甩皮…又大毛孔… 
請問做機以外係咪冇咩方法改善呢？
同埋背脊好多粒粒，有啲係r2下就會甩（似走米），有啲就暗瘡咁。請問要點先可以滑返呢？
我發現懷孕之後，背脊多左好多粒粒，可以用咩搞搞佢
如果皮膚易敏感真係要小心。會咩情況下特別敏感？或者轉天氣時較易？一般皮膚敏感嘅人，其實佢地缺水情況俾其他膚質嘅人更嚴重架。咁平時有無搽下防曬？
如果油得黎仲要甩皮，睇黎妳皮膚缺水情況似係更嚴重播
其實我唔太建議人做機的，因為有D機做得多，反而令皮膚底層受傷，表面未必睇得出。有D朋友仔佢皮膚好差，其實反而要還原基本步做最Basic嘅野。
我甚至有個朋友，佢真係所有護膚品都唔可以用。或者要先由最基本嘅Lotion開始先。係洗面其他咩都唔用得住。
如果背部有粒粒，記住沖完涼盡量抹乾身唔好俾水「Up」住，沖涼毛巾都要洗密D同太陽曬下。每星期試下做埋磨沙會有D幫助架
不過為妳感恩，反而我身邊好多朋友係懷孕前後面上皮膚好多唔同嘅問題。始終多一個小朋友喺肚，營養、水份等等多一個人仔同你一齊去吸收。
同前面個朋友仔一樣，如果背部有粒粒，沖完涼記住抹身要抹乾D，毛巾要定期沖洗同曬。加上我一般唔建議毛巾掛廁所 (加上我係唔用洗面巾)，始終廁所太多菌。妳可以試下用D溫和嘅磨沙，但因為妳有BB所以記住用任何產品時了解清楚懷孕媽媽用唔用得播 (如果磨沙正常無問題的)。
祝福妳同BB 
1個讚
Thankyou 
1個讚
酒精成份嘅野都唔太用得，紅水卸妝會刺痛，但如果有呢啲情況我會即刻停用，所以都還好。係要揀下成份咁。試過用某masks大敏感，紅咗幾日，之後就唔亂試mask lu。除咗呢啲大範圍敏感外，我會好易無啦啦起一兩粒癩，會好似俾蚊咬咁，痕痕地突突地，不過唔理佢一陣就冇事。
防曬我真係好少
之前會搽下物理防曬，但我發現唔搽皮膚都冇黑咗/有咩分別，所以就冇搽了…
你指淨係用清水洗面嗎，但我試過角質層會積得好快，然後塊中面會好鞋…搞唔掂
背脊果個等我試下沖完涼印乾啲先，真係冇留意係咪噏住
卷裝即棄美容紙巾係點樣㗎？可以喺邊度買到？另外我鼻啲黑頭好難清，用咩方法清得最乾淨？
任何酒精成份嘅護膚產品我地都唔可以用架。絕對需要了解自己用緊嘅產品係咩成份。唔可以人地話好就走去試。真係要先了解自己皮膚問題
如果卸妝嘅話，妳可以考慮下用卸妝液。有D人鍾意用卸妝水，覺得較清爽。如果用妝油，可能會太「立」。咁卸妝液就係中間位。
同埋妳敏感皮膚，用嘅護膚品真係好小心。特別如果想試新野，妳可以先試少少喺面嘅側邊位先。
如果起癩，有無留意過食左D咩或者接觸過D咩所以起？都可能係敏感原因導致架。
拿，好多人誤會用防曬嘅原因架當然有D人因怕黑而要搽啦，其實我地無論要室內外，都要搽。因為紫外線等等嘅照射 (室內其實都有) 除左會令有D人皮膚變黑，仲係係令黑色素嘅形成。久而久之唔知幾時會突然浮上面變成色斑。特別兩邊面珠同鼻位最易有。
好邪架，之前我仲未太識護理皮膚 (以前我都係聽人講邊D好就買，無論平貴，或者家姐買左唔啱我又拎黎用)，有一日做皮膚測試原來發現皮膚底層黑色素好勁，當時我仲好大口話好彩無浮面，2星期後色斑就出左黎
我試過有個客嘅皮膚係好嚴重敏感，但佢想用護膚品。結果其實佢嘅膚質真係唔太適合用。所以幫佢處理嘅時候，佢真係只能用清水洗面，但就用D超溫和用植物成份做嘅Lotion，精華其他咩保濕等等都唔可以用。因為佢嘅皮膚唔可以突然俾太多野入去。
因為妳敏感皮膚，所以磨沙刺激嘅產品真係咩都唔好用住。可能由最基本開始重新護理皮膚，等皮膚習慣慢慢穩定先再處理其他問題較好。係要忍下架。
背脊情況妳再留意下啦
1個讚
其實一般大型嘅彩妝公司都會有，例如SxSx或者卓x都會有
不過我用緊嘅潔面美容巾係托朋友幫我淘架
一淘淘幾卷。但有疫情後唔會淘住了。
至於鼻嘅黑頭問題，妳本身會否易出油？出得油都係皮膚乾嘅問題所以先出油保護皮膚。妳有無做深層清潔架？可以全面，或者針對個鼻仔敷下深層清潔面膜。
暗粒點搞呀？
皮膚成日有浸油
點分係油性皮膚，定缺水性皮膚乾
好懶搽野但又出暗粒，好苦惱
唔該晒，等我去睇下先
想請教唇瘡紅印點去到？之前打過彩光，未完全清得哂嗰印，只係淡咗，如果打laser會唔會效果好過彩光呢
等我一步一步pick up返先!!!
謝謝你咁詳盡嘅分享呀 
1個讚
Welcome
其實暗粒、黑頭、暗瘡有D情況幾似。妳暗粒出喺咩位置？
妳要留意下自己平時卸妝同洗面乾唔乾淨。其實真係好大關係。
而家我用洗面機洗面的，而且有力度調教，加上我角質層厚手洗真係唔太乾淨。但都留意洗面機未必所有人啱用，特別有敏感皮膚嘅人更加要留意。
加上呢幾個月大家都要用口罩，焗住皮膚。令到皮膚乾然後又出油。真係一個循環黎的