bb1m6d，平時日頭訓到3-4個鐘，食完就訓仲訓得好冧。
但係一到入夜就開始眼光光，食完奶明明眼仔都開始合埋，掃完風又醒返。試過由夜晚9點到半夜3點幾都無訓過，要人抱就訓下，放落床就喊，喊喊下又口擘擘要食奶。明明日頭食得好地地，夜晚就可能個零鐘，兩個鐘就醒一醒，然後又要食奶。
有試過日頭開曬窗廉，但係因為bb同奶奶一間房，奶奶又晏起身，佢會落返窗廉，唔work。
bb食完奶放落床就會醒返，用手指掂下佢個咀又口擘擘，無時無刻都要食奶咁。
第一胎，好多地方都唔知點處理⋯⋯
我以前會唔俾小朋友日頭瞓咁多、瞓咁耐，
瞓個零鐘就同佢換片整醒佢，
日頭多啲同BB互動，
等佢夜晚早少少瞓。
我地唔開小夜燈、唔拉窗簾，
直接天然光，
希望BB知道日夜變化。
至於食夜奶，
N年前阿媽教我餵兩啖水俾BB過下口癮，
大約一個星期都戒得甩。
加油呀新手媽媽，
小B頭幾個月都唔易湊，
你自己都有好多野要適應，
你要俾自己好好休息呀，
小B大到三四個月就會好啲㗎喇~
加油，有d bb頭三個月最難搞，我細仔之前就因為瞓覺問題搞到我就快發癲，晚晚都要搞到一兩點先肯瞓，遲瞓我算，但佢晚晚12點後開始勁扭喪喊真係搞唔掂，好驚嘈親隔離鄰舍，果排每日一到夜晚我就愁定今晚唔知又要同佢博鬥到幾點，諗起都覺得痛苦，明明佢阿哥初生時唔係咁。。。
為左想佢夜晚乖d早瞓d，好多方法都試過，都冇乜用，直到第四個月先慢慢改變。。。
可能呢d就係老人家講嘅"百日哭"