唔知香水加落消毒酒精一齊噴又得唔得呢? 
會唔會產生啲乜嘢化學問題啊
應該無問題，本身唔少香水應該都有酒精，只係酒精多少有刺激性同令皮膚乾燥，所以依家新出好多標榜alcohol free。
（個人非專業見解）
我有枝酒精係玫瑰味，不過唔係我自己加，買已經係咁
除左講明無酒精香水之外，其實香水絕大部分成分都係酒精黎（通常都有 70% ~ 80% 左右乙醇）
所以如果想消毒酒精 / 搓手液有少少香味，加少少香水其實ＯＫ（噴幾下落去咁，已經好夠香），而且理論上唔會對消毒效果影響太大
但我唔會咁做，因為都係消毒還消毒，唔搞咁多野，同埋香水通常擺得好耐，個酒精濃度會降，香料都會有機會致敏。
我唔會，一嚟濃厚不明，二嚟消毒酒精陣味太難頂 (其實我公作需要，聞咗十幾年) ，我自己有調香水，係用特別酒精開，但我唔知點叫
有無諗過75% 酒精加幾滴精油？
其實，我係因為用咗個之前裝花露水嘅噴樽裝火酒，跟著噴出嚟，有少少花露水味，又好似幾好聞，咁就諗下可否加少少香水落火酒噴下啲工作檯面，地下，咁有啲香味嘛
我係純香精油，加酒精
So far 仲ok
咁都可以，我都有EO，但好似香水持久啲