其實係咪間間差唔多?
最主要係你想小朋友有咩保障先
我覺得唔係, 不過買邊間都好
最重要有個好AGENT跟
我兩個小朋友分別同兩間唔同保險公司買
一間AGENT係熟人, 跟得好足
另一間係我媽咪買開既保險AGENT
跟得麻麻地
我地買左自願醫保 有得扣稅 俾小朋友coverage都唔錯
我自己覺得真係間間大同少異…
我自己個份十年內已經轉左三四個agent,完全搵唔到人，其實即係搵CS…
所以我寧願揀個可以信賴，做得長少少的agent…
始終保險我哋真係唔熟，有咩事可以有個人可以問下。(我冇介紹)
我自己有份AXA,
我仔係危疾AXA,醫療就永明(跟boker買)
我覺得間間有嘅plan其實不相伯仲
係睇個agent sell啲咩俾你同你concern啲咩
但我有樣野一定睇嘅係agent年紀
因為買俾小朋友如果個agent係好似我媽咪甘大，到時有咩事佢又退休走左，又孤兒單，不如搵過跟得好又後生啲嘅，最起碼跟得多幾年 
(可能係我份人執着啲細位
)
其實保障係大同小異，最緊要係跟單個agent負責任
雖然保障大同小異，但係咪適得用就難講，我阿女試過入院，同房有另外兩個小朋友，我地全日係醫院叫餐食，另外兩個就一係出去買，一係屋企拎，有個阿媽好奇問我地，係度叫咁貴，你地都叫，佢當然唔知我係agent, 我同佢講因爲有得claim, 佢好錯愕咁問係咩？ agent無同佢講過，而另一個就話額唔夠，唔敢叫
所以，好多agent識講保險，但係唔識教客人用
醫療保險唔係用嚟叫醫院餐架 
甘食法保費點會唔加？
買大額醫療就係為咗想好似住五星酒店做皇帝甘，我e d平民百姓用返基本版就算
提一提，大人既保障比細路既保障重要！ 因為大人係細路仔既保險。
你應該唔知咩叫room and broad, 寫明房費及膳食費。另外，賠償有上限，唔會食到太多。
保費加幅主要係香港醫療開支上升，年齡上升，私家醫院收費由550（普通房）加到現時780，醫生手術費因應客人有無保險而有所調整，如果單單食個飯就影響保費，根本無可能
係可以cover, 我/女幾次入院都係醫院叫餐，全claim無加過價
我覺得間間都差唔多，反而係睇agent 熟唔熟d medical 野，你有事時佢幫唔幫到手
睇過幾間大致上差唔多，最主要係個agent跟得好，見過同一時間買嘅朋友個agent 做做下唔做變孤兒單，之後有事上黎Claim form又要自己填好煩。同埋真係有事上黎有用ge agent 好重要，至少佢有相熟醫生推介比你又方便，我見我姑媽個agent之前入院做手術，由入院到出院都陪佢，又跟單好快claim番錢，呢d就係比較到既位