有冇秘訣?
好多時教完小朋友寫字，寫完大概二十次之後，第日都唔記得默唔返出嚟 
用圖像聯想下咁教佢記
2個讚
用圖形方法令佢地記得?
我只係知同一個原理如果要我死背英文, 寫完大概二十次之後，可能我第日都唔記得默唔返出嚟
咁樣會唔會更易理解點解佢地寫左20次都默唔到
1個讚
小朋友幾多歲？ 個字對小朋友黎講會唔會太難呀？
試下用故事連結晒成個字既筆劃，會易記啲，我仔中文老師係咁教佢地
1個讚
講真…
即係寫得唔夠多
1個讚
K3. 唔係啲咩難字。學校學緊嗰啲字咋…
好啦試下啦。
我覺得可能佢寫二十次都係照抄，冇入到腦。依家試下寫幾個就揞住等佢用下個腦
一邊寫一邊讀出黎
唔好俾佢流水式咁寫夠20個就算
3個讚
記中文同英文, 兩者都要抄寫下.
中文抄寫完, 有時某D字可能仲未記到, 要搵D圖像, 某D字去聯想下可以比較易記.
英文抄寫完,要併音, 串字就一定要, 再記唔到, 或者拆開D字去用自己方法去記下.
人人方法唔同.
2個讚
明白明白。thanks.
始終中文都係要作下故仔寫多D先會入腦。英文分而掌握咗拼音係容易過中文
通常記中文係比較難, 上左小學後會好好多.
1個讚
K3 要默書??
要一邊寫一邊讀，同埋一定要多讀句子、圖書，一定要讀出聲。你要小朋友將聲音同字聯想埋一齊，齋寫係事倍功半。英文 phonics 都係呢個原理，聲音同字母 connect。中文可惜就冇得咁樣，但都要讀出聲。讀圖書、句子就可以幫佢不斷溫故知新。
玩埋配對字卡，例如用釣魚遊戲，用筷子、線、磁石，你讀個字，佢就釣隻字，咁起碼佢認到。知道佢 100% 認到之後，就玩遊戲限時寫字，高分有獎。小朋友都需要動力去推動學習，除非佢好鍾意抄寫，否則你咁樣係罰佢寫字，唔會入腦。你自己試下日文抄漢字/抄韓文但係唔讀出聲，睇下自己寫 20 次會唔會再記得點寫，咁你就明白小朋友係點樣學習。
3個讚
學校有小量小範圍嘅默書。
我依家係自己幫佢默發覺佢唔係好recall到啲字
我諗起我姨甥仔, 就算寫過100次, 第2日莫講話寫, 認都認唔返, 阿媽都投晒降
我要佢一邊講筆順，一邊寫。
1個讚