已同前夫冇聯絡，幾日前我同我媽咪收到收數公司電話話我前夫欠債追數，收數公司表明會上我媽咪屋企淋紅油，就算報警都冇咩用，咁我地可唔可以係屋企門口裝cctv？
裝左先啦梗係…better than nothing
公屋單位可以裝？聽過有人話唔可以
裝cctv冇用㗎
咁佢地淋咗紅油未? 如果係私樓, 真係要通知保安睇緊出入的陌生人士身份.
通常會玩電話去威嚇, 玩心理戰. 一律不接呢D來電.
再者大鑬都扯唔埋, 還條毛比佢. 又唔係你地去借.
1個讚
未，前夫爸媽屋企年幾前屋企比人淋過一次紅油，因為係公屋收數公司好容易上樓做嘢，係怕佢地嚇親我2個小朋友
因為你都識講，前夫，佢同你已經完全冇關係。
首要一樣野係完全唔聽呢類型嘅電話。你前夫以前住喺度？
曾經有段時間住過一排，因為之前收數公司只係追佢屋企人同親戚，奇怪在突然早幾日連我同我媽咪都收到電話
如果淋紅油，即係多數出面唔正當嘅財務公司。即使已離婚，人地都唔理咁多。為求令身邊識佢嘅人逼佢出現。
講真，借得出面財仔好難還得清。我聽過有D case淋紅油淋鄰居屋企，寫大字就寫你屋企。
一日佢未淋紅油你報警都冇用，因為你都唔知佢有冇你地址。就算有人上門，直接講無此人。
咁暫時來講總之有啲不明來歷電話全部都唔聽，什麼whatsapp 都不用回覆，甚至乎直情換咗個電話號碼。
都好強調嗰句，又唔係你地借錢，佢亦唔係同你一齊住佢又唔係你邊個，根本就唔需要還錢，亦都唔需要驚。
遇著個咁嘅人真係好困擾
1個讚
我曾經見過有朋友遇過類似問題，係子女欠債，係幾困擾。因為嗰d人好鍾意用嚇方式去煩人，愈聽呢d電話，仲同佢講咁多，嗰d人咪多d機會嚇你。首先攪清楚，D人追債求財，不過你唔係債仔， 佢打你一身佢都好大鑊，你仲同當事人係完全冇關係。呢啲人最鍾意嚇啲女人仔、老人家，咁你覺得唔耐煩咪嗱嗱聲去還錢。其實就係咁簡單，所以你自己要控制自己企硬Ignore呢d滋擾電話。
幫佢還錢就一定冇可能啦，電話號碼都轉用太空卡
撐住！
唔洗驚, 屋企試過類似情況.
收數公司係靠嚇.
佢地都唔敢攪大件事, 因為收數佬都唔想俾人拉.
只係想靠嚇下你地, 等你地幫個債仔還錢.
唔理佢就得.
好驚的話, 先報警備案.
我哋大人唔驚，係怕佢哋會嚇親小朋友