岩生完妹妹，暫時都係全埋身密密餵，有時餵完會泵清，希望可以增加奶量，但妹妹日頭真係飲得好密，有時餵餵下見佢想訓hea啜或無啜，以為佢飽，所以幫佢掃完風放佢返床訓覺，但點知佢又扭又要飲奶，如此重覆幾次先成功訓到覺，但就算訓到覺都係訓得1，2個鐘，一醒又要再飲過，食完唔訓之後想訓又要再飲，所以花左好多時間係餵奶方面，但問題係大女開始唔開心，因為我少左時間陪佢，所以想知有無方法可以令時間穩定d，定大大下自然會穩陣呢？如果一直keep住係咁，真係想轉返奶粉，咁我可以多d時間陪大女。同埋細女一日痾好多屎，差唔多餐餐都有屎，係咪正常？
Bb食奶訓覺時間表要媽媽幫手定，一般bb初生2個鐘左右食一次（食飽），再大d，2-3個月或以上，可以隔3個鐘一餐，睇bb情況，再大點可4個鐘1餐。
我BB都系全人奶，現在1歲仲食緊，開頭系好辛苦，個幾2個鐘一餐，慢慢來，摸到佢條路就可以定時。餐餐poo poo都系正常， 人奶系會多D。我2個月就開始3粒鐘一餐啦。我得一個B, 所以暫時唔知點樣安撫大B。人奶媽媽加油呀。
飲人奶係會多屎d, 你自己計下時間. 大約2個半鐘先好俾佢下1次, 如果吾係阿B會變左啜住訓. 遲d會好辛苦. 見佢訓左就要令佢放口
想問3個鐘俾佢食既意思係飲完奶先開始計時抑或是例如第一餐7點，第二餐10點？但如果未夠鐘，而佢又不斷喊，係咪都唔好理佢？
兩種計法都有人用，我個人就按時間計，7點，10點甘。喊睇佢咩事啦，系唔夠飽定其他，我因為返工所以樽餵嘅，如果唔夠飽就加奶量. 但全埋身就系困身少少。