今日想同大家分享一單3-4年前我o係好"先進"既中國睇急症既事件
地點係係一線城市廣州既市區, 唔係鄉下地方
果日夜晚無啦啦好唔舒服, 又痾又嘔同埋個肚+胃超級痛, 係痛到行都行唔到果隻
已經唔係腸胃炎咁簡單, 以前成日腸胃炎既我冇一次係咁辛苦, 所以我估計係食物中毒
睇醫生之前已經有食成藥, 但食完都係冇用, 辛苦到唯有去睇醫生
咁睇之前已經有問親戚附近邊間醫院最大最信得過 (原因你明的…諗住搵間大醫院會好少少)
咁去到睇, 醫生幫我做基本檢查, 之後我就坐低, 我媽媽幫我去拎藥
點知我媽一返到黎, 見佢拎住2枝鹽水…(吊鹽水果D鹽水, 唔係飲果D)
我問: 下, 點解唔拎藥? 我唔想吊鹽水呀
我媽都好黑人問號咁: 間醫院話冇藥…得鹽水
我: 咁大間醫院冇藥???
我媽話係…
咁就唯有吊鹽水啦, 真係冇計, 好辛苦
點知一吊鹽水…我覺得我就往生
係一開始吊既3-4秒已經黎料
我係眼前一黑 咩都睇唔到, 個人勁暈, 成身出哂冷汗. 好想嘔, 同埋就黎"後面"失禁, 差D瀨…
我同阿媽講, 我媽一望我個樣即刻嚇到衝去搵護士
咁護士就過黎解除返個鹽水啦
醫生就行埋黎問我以前有冇發生過呢個情況呀咁, 我話冇
個醫生竟然問我要唔要試第二隻鹽水…我真係覺得好痴線
最後我係醫院攤到第二朝覺得好少少就走人算數
真係好恐怖, 亡國果邊仲話中國好先進
入醫院真係冇事都變有事呀, 我覺得如果唔係咁快除左枝鹽水, 我真係已經死左
17個讚
吊點滴…
其實入面有冇藥成份？
如果大陸真係醫療咁勁，就唔駛嚟打hpv，而家冇大陸人嚟打，係咁賣廣告
2個讚
我表姐係內地人嫁咗個有錢老公
以前一孩政策，佢再一生個女，就會洗啲錢去醫院做一張假報告假超聲波，話心臟有事，咁又再洗啲錢申請可以再生，佢最後生左三個女，一個仔。
大家唔好覺得好意外，特別係藍c唔好覺得我唱衰內地，其實佢哋造假真係好common,有錢有勢就得。common到佢地覺得係好合理同正常，同打尖一樣。
真人真事
7個讚
我以前好興腸胃炎，一個月一定又痾又嘔，睇醫生，比佢聽肚&按肚，肯定唔係其他問題，就打左止痛針，痾得緊要就比止痾藥，但都係叫我盡量痾清佢，食下止嘔藥&類似電解質平衡嘅藥水（驚缺水）。
好彩大大下腸胃又自動好返哂。
methy
10
所以點解大陸咁樣仍然咁多人「愛國」，覺得大陸無問題，特別係有錢人，因為你可以用錢去解決問題，咩公德心、道德觀念，唔值錢。
4個讚
到今時今日我仲未帶個仔去大陸（我都有內地親戚)，就係因為我怕佢有乜水土不伏要睇醫生都唔知點算。我記得我以前細個去成日病要入醫院。
等佢大個啲，抵抗力好啲先算
祖國咩病都係吊鹽水架咋… 自己親身經歷, 大約十多年前, 我係廣東省長駐, 有日食Lunch, 有個女民工係工廠門口被車撞到, call 白車, 點知白車講明要收三千蚊按金, 否則唔嚟自己諗辦法, 另外一個民工就跑入廠長室, 我當時在場, 廠長拿拿臨攞錢救人, 出到去, 我見個女仔已經流緊血, 雖然唔係成地都係, 但都好令人心寒… 我心諗如果廠無人拎得出三千蚊, 個女仔下場係點呢…
2個讚
強國而家係咪有醫保？每個月人工扣起一部份做社會保障？
JOOOO
15
所以大陸要有社保, 否則有什麼大事, 你要係微信衆籌或者問鄉里借$医.
這亦是为何咁多人要黎香港做腥香港人原因之ㄧ!
有病即過關入急症. 如果你地留意下, 香港急症室輪候情況在大陸人少黎後係正常好多!
5個讚
我係國內長駐咗10+年, 去過好多地方, 繁榮如上海北京東莞…較落後成都(當時)…咩都可以假, 假証件, 假文件, 假貨, 真係應有盡有…你有錢就係皇…咩都得… 真係越知得多越心寒… 但近幾年, 好似已經比以前好…後生一輩都少咗用假學歷去搵工…
十幾年前我同一班同學去中國交流，有個同學懷疑腸胃炎要抽血驗，個護士搵極都搵唔到條血管，拮左好幾次都唔成功，最後竟然拮入去360度向外轉支針，我同學痛到飛起即刻大嗌同狂喊。好可怕。
1個讚
記唔記得真情彩瑤係點死？
當年真人真事改編，有個中港貨車司機咁係深圳死左，枉後來佢地深圳班乞衣婆黎衝關生雙非，送完去醫院好多仲走埋數 
1個讚
家有長輩每年返廣州鄉下，年紀大要睇醫生，因為醫院識人，行入去就有得睇。唔鍾意香港睇醫生，話人唔敬老，唔比佢睇先。
