改善「專注」的神奇坐墊 （ADHD適用）
我小朋友係腦麻痺,主要係肢體問題大d,但都有專注問題，好易分心，學校OT評估為前庭刺激不足，小一開始安排前庭刺激訓練運動之外，小三開始安排左試用不同種類的「神奇」坐墊，刺激觸覺，令佢更能專注上堂。
1.豆袋椅（右上）：椅入面一粒粒豆，包實成個人咁比到觸覺刺激，但專注果不明顯，OT安排試坐一個月就轉第2款。
2.膠坐墊（右中及下）：空氣坐墊，表面有粒粒，同樣係給予觸覺刺激，順便練埋平衡力，令坐姿更好。學校用左一排，我都買左個屋企用，效果明顯。
3.治療墊（左上及下）：坐墊個樣似pat pat咁，唔硬唔軟，係OT最新近安排試用，話可以再比多d 前庭感，效果暫時不錯。阿仔話坐得好舒服。
學校OT話原本呢d墊係比ADHD小朋友，等佢地坐係到都有感官知覺刺激，舒緩佢地「好想郁」既衝動&令佢地安坐。
我仔既專注力差亦同樣適用，不過就要試不同種類既墊，先搵到適合佢既墊。
邊到買？
1&2號墊淘寶有。
3號墊：log on 或Aeon 都有機會有賣，有網友在sogo見到，我就在日本Amazon 訂。
