想參考下其他媽媽點樣喺疫情下比人探b？
已經好耐無比人探我個仔
視像當見咗
依家又幾次零確診
開始驚聽到閒言閒語
話我做阿媽嘅唔比人接觸我個仔
唉
大佬呀
個個一見到bb就「哄」埋去
又抱又攬又錫
我點可以唔驚？
見到面又唔可以近距離接觸又會有說話講
點好？
唔洗理人地點講, BB係自己的, 自己安心就好
唔俾！
見到面咪再推囉「遲啲啊、得閒約啊」
直接講「見到面又想抱，唔好咁多不必要既接觸」
唔想聽唔聽！
有幾個case好返但仲有菌！冇人保證一定冇事！彩佢都傻！
攞返之前一個月都中招果個b出黎講，唔比人掂bb.
其實呢個時勢，長輩都應該識做啦。
唔駛理佢哋，自己安心最緊要
而家唔會。其實我覺得果啲人自私啫。應該了解你既憂慮。
我女啱啱三個月 我都冇比6299阿媽阿爸以外嘅人探過
連我阿爸都係前幾日見第一次
如果真心想保護bb嘅人 係唔會話要嚟睇b
我都無比人探我BB
BB 安全緊要
純粹分享，我係有俾過朋友上黎探一次，佢哋仲緊張過我，帶定多件衫同瘋狂消毒
梗係唔好比人探啦，中招點算？唔洗理人點講，要講你做乜佢都有野講，我姑姐都做左人呀嫲，個孫4/5個月大，佢年初三到而家都唔敢探孫，撐你，禁止探訪！
而家非常時期(就算0確診咁又點 只係代表好轉 唔代表冇事)
如非必要都唔會俾其他人探bb或者帶bb出街
我5月生
已經講明除左我父母
其他人就唔好探住
只要你諗下大人中左都咁辛苦
小朋友一定會仲辛苦仲慘
咁你就會覺得冇問題💁
話之人地點講啦
個小朋友係你既
有咩事辛苦既唔係人地 係你
無疫症時都唔會比人探小 b
之前睇過單新聞，個親戚生飛滋鍚 bb，疱疹腦炎死左
父母嚟到你會唔會要佢哋戴口罩？唔准錫bb？
企硬! 其他人閒言閒語唔好理佢地, 保護自己小朋友最重要. 等真係完左個疫期, 大把機會佢地見
錫bb真係好痴線
有冇疫情都唔好隨便錫啦吓話
幾大？如果2歲以下唔會比
2歲以上都只係4大長老
你地會唔會比奶奶錫bb?
我之後有幾日大假，都諗緊返唔返娘家住幾日比我父母睇bb, 叫父母來睇佢又覺得要兩老舟車勞頓
平日返工6299湊開
其實佢錫咗我都唔知，我自己返工出出入入，沖完涼都覺得自己好污糟，唔敢錫
無話會唔會比
唔想都無法
我老公話比最親嘅親人錫下無乜所謂
我覺得錫有好多種嘅
身體接觸嘅錫會排到最後
尤其依家疫情底下
你諗下
bb父母錫完bb
其他人又錫
就好似同好多人交換口水咁
口腔好多菌㗎
bb無得揀
佢先係最大嘅受害者
出聲又會比人話
真係唔明點解華人社會啲長輩咁霸道
大哂咁
百行孝為先
但唔一定要「順」㗎喎