先申利: 我最初以為佢係黃, 而且屋企無口罩, 所以買左佢地SPECIAL EDITION
亦有買到佢地6個月既PLAN B99
到後來連登仔爆佢走佬, 又話個老闆專呃人錢點點點, 口罩認證亦FAILED.
但我睇其他藍網 (唔想提佢地個名), 佢地又覺得呢間野係黃… 唔會幫襯.
事實, 佢地出貨係有D DELAY, 但有比錢既人都拎到口罩.
我打開D 口罩睇, 都正正常常, 幾厚實… BFE99% 而佢地亦終於拎左ASTM Level 1認證…
咁其實呢間野係點呢…
我都有買，我上次有post過，不過呢度好多都覺得佢唔係咁好，所以冇再回覆。
我有買B99同V99
我就覺得冇乜大問題。
我本身盡可能有得揀都唔幫襯藍店, 但唔會完全抗拒.
我覺得, 佢地算係第一間企出黎話 “政府唔做我地自己做” 既廠家.
當時的確有 “希望黎喇!!!” 既感覺.
我暫時仍然覺得佢地都唔係藍得澈底既廠家, 所以真係想知, 係連登仔講大左定係點…定係中國人定律, 當打出頭鳥?
我希望多D 香港人自救既事, 當然最好唔係藍啦. 只因我地既政府無得救.
我上次講過，我都係覺得因為佢係第一間出嚟做口罩所以俾人圍攻。
不過冇乜所謂各人有唔同嘅意見，如果冇人想講咪唔講囉。
之前聽D100訪問感覺嗰位先生係一名專搵老細投資拍片sales佬，講到一開聲就有老細支持，口罩料口罩機要好有技巧先買到，把口浪過油，就係講到自己好得。
而業主話佢裝修期間造口罩，呢樣就唔係幾好，搬廠後好快又開始生產，有冇搞到無塵間？口罩機搬過要調教先可以再生產，點解咁快有口罩出？調教完生產口罩合唔合格？
比我訂左當然要啦！唔安心加張紙巾，之後有其他選擇囉！
其實都係架，真係個廠話搬就搬好似好兒戲咁，但係會唔會其實佢一早知道又費事出聲啦，因為一出聲就好多人報道，咁可能啲人又搞佢。呢樣真係冇人知，得佢知！
其實而家禁多選擇，的確唔一定要揀佢，畢竟佢太多不明因素