小朋友K2, 唔識或無咩動力自己讀圖書，有咩方法可以幫到佢？係咪要配合認字去做（如另外用字卡同教sight words）？係咪要用一啲方法引佢朗讀？（佢真係唔太鍾意，仲怕左…覺得咁睇書變左苦差，無左原本嘅趣味）
求高人指點
我覺得興趣最重要。
我小朋友k2時都仲未識睇書，識都係識好少英文簡單字咋。當時有朋友仔女已經睇故事書，佢哋會比較但我唔理，因為每一個人根本就唔同。
我自己本身鍾意睇書，我小朋友由細到大會學我拎住本書坐我隔離扮識讀
我都會每日伴讀，會問下問題，會同佢一齊講，一齊畫下畫，講下笑。
到k2之後，佢開始會問呢個咩字。上小學個暑假就開始睇短句。有興趣就夠，佢好快就日睇夜睇，書不離手！
2個讚
其實睇書係咪就自然學到字，又自然睇得明本書，只係時間問題？
見啲人學字好多用字卡…其實有冇需要？
贊同，興趣最重要。
唔洗刻意分伴讀同自己閱讀。我習慣夜晚同阿女睇完書先瞓，由細到大都係咁。大約K2既時候，有晚我整嘢遲左，發現佢自己伏響床度睇書等我，可能仲細，佢唔係用個心讀而係要讀出口。但一見到我黎就要我讀。
跟住我就用D佢有興趣既書引佢，讀得好慢，讀唔晒，等佢自己等唔切第二日自己睇。
然後到依家，我地每晚要交換讀書。佢讀一本我讀一本。開始左之後，佢依家成日都自己攞本書睇唔洗我陪LU.
但係我都仲堅持每晚同佢睇書既，因為呢個係一個親子活動，而我又可以從中知道佢程度，買返相對既書。
仲有樣嘢想分享，我同阿女一本書會翻睇好多次，直至佢可以自己讀到九成以上，我發覺重覆睇同一本書佢地認字先最快最多。
3個讚
k1-3 一齊睇書，初初我自己講故事(唔讀字先，明左故事先)，佢聽，之後一人讀一句，再之後比d簡單書佢睇，我自己就坐隔離睇書，然後屋企有個位係擺d書係度，隨手攞就有得睇。
之後就會自己睇。
我兩公婆都鐘意睇書，小朋友見我地睇，佢都會睇埋一份。
不過我亦識有d小朋友真係完全唔like。
大大我會投其所好，feel到我小朋友鐘意動物，咪讀多d動物既書，增加興趣。
幼稚園期間伴讀好重要，雖然係好辛苦，有時一本書每日讀幾次，可能連續讀幾個月，不過而家我小朋友初小，佢真係鐘意睇書，而家停課期間都係睇書黎kill time.
我個小朋友係K1同佢講故事，K2下學期開始照字讀(嗰時學校閱讀冊係要求一本書睇幾次，呢個時間係認到最多字)，K3上學期開始佢自己讀，唔識嗰個字我先至講返俾佢知，同埋會問佢本書講乜，叫佢講返個故仔出來。。。
興趣係最重要，但有獎勵就更好。我個女幼稚園要交閱讀冊，咁就同佢講要交功課所以要做。主日學都可以借關於宗教既故事書，達到要求就有獎，加上佢每次去借書，D姨姨都會讚佢乖。因為呢兩樣嘢所以我個小朋友好俾心機睇書。
至於字卡。。。我冇買呀，我知自己買咗都唔會有心機用，所以無謂浪費金錢。。。 
我比佢自由選書，佢好少pick書重讀，又會pick啲科學書，只睇圖…咁係由佢，定要比返啲簡單書,少字嘅佢？
可唔可以講幾個書名聽下?
我諗揀啱書都好重要，我以前同小朋友伴讀都係以故事書為主，但係佢從來都唔會拎呢類書自己閱讀，後來發現non-fiction類佢興趣大d，開始會自己拎住睇，最近起機緣巧合下買左本英文漫畫俾佢，可能因為內容搞笑無厘頭，而家日日拎住睇，一起身就睇，睇到我唔相信眼前見倒嘅係事實，索性買哂成套書俾佢
贊同！其實翻睇本書好重要，通常真係識睇至再睇。可能第一次有少少唔識，第二次有少少唔明，睇下睇吓就明，反而更多興趣去睇，所以小朋友會睇好多次，每次又可能有新感覺同發現。
我哋都係，訓之前一定睇書同bedtime story ，bedtime story我哋又講，佢又講，有時係作㗎，會發現小朋友會改編佢睇過啲書，會好好笑
另外，唔好令佢有唔好感覺，例如被迫。有啲小朋友迫到，迫到小學會反感，之後更加唔會睇課外書。
咩都有，um, 小小地球人、Richard scarry 中文版其中一本、有時OST 其中一啲、有時usborne my first reading library, 有時usborne look inside，神奇校車…有時唔知邊度拎返來的二手書、繪本（多字少字我都無理），我有青田果啲，但一定要我話拎出來睇，佢先睇下，唔覺佢有興趣。
重點都係，唔認字，靠我講
其實只係K2，畀佢自己選擇一D繪本，培養下閱讀習慣同興趣唔好咩
曾經同小朋友去D書局開倉，我果兩個周圍睇周圍揀，但係同場有個小學生係完全無興趣掂D書，得阿媽自己揀，後來見我個女睇到笑先偷偷去旁邊偷望
利申：大果個K3
1個讚
小朋友冇興趣睇書就唔好借伴讀迫佢識字，佢鍾意咩書乜都讀，我連老師夫子都係照講。伴讀時期好短，我哋小朋友K時都唔多認到字，只靠我講，（但聽我哋讀都係繼續唔好肯定認字），無啦啦小朋友一開始自己變書蟲，自己成日攞書睇，唔多需要我讀，當小朋友習慣咗書成日都在身邊，就係容易過㵂自己讀書。（當然如果我提出我讀比佢聽佢都好開心）
由興趣入手。佢喜歡車，就專買關於車的書。
閱讀好重要。大家努力培養小孩子愛上閱讀。
買佢鐘意睇既書 一齊睇一齊讀
我多數瞓晏覺前同佢睇書，咩書都睇，雜誌報紙漫畫都會講只要佢話睇又肯問。
小朋友都係K2，但最近見佢有時悶悶地會拎本書睇。（暫時睇圖文字未識睇仲要我讀）
呢家小朋友最鍾意睇迪迪尼啲故事書。
同埋我屋企啲書亂放東一忽西一忽真係隨手都拎到本書
Keep住伴讀，揀多d唔同種類既書試下佢口味，如果揀中佢口味，慢慢會忍唔住自己睇。
我小朋友就算已經有能力自己睇書，但都好鍾意我伴讀，因為由媽媽演譯又係令一種味道。所以伴讀同獨立睇書係可以同時進行。
我自己覺得K2仲喺細，都仲喺伴讀繪本為主，所以唔好期望可以自己識認識讀得到一本書（除非由細好谷嗰啲可能得）。你可以調整下自己個期望先。
小學前階段，我自己就會培養睇書興趣先，唔好令開心事變苦差。我見過朋友係同小朋友睇，每句都要停低認字，咁樣睇書重點去咗個字而唔係個故事，成個故事斷斷續續咁（因為每句都停），睇得好無趣。
我係等到佢返學開始學寫字，咁如果咁啱睇嘅繪本有嗰啲字，就會引導下佢（個態度唔係考佢），慢慢佢發覺原來自己識架喎、原來自己得架喎，就會有信心，有信心佢自己就會想睇多啲。
青田教育出版社有套系列叫“我會自己讀”，都好啱小朋友睇。
我想問吓你地伴讀時會照書上面嘅書面語直接唸出嚟, 定係會改做口語講故事?
我由我女未夠一歲時已經日日同佢講故事 (我口語講出嚟唔係讀), 到佢而家已經5歲, 但書面語佢完全唔明, 到我想佢開始學吓書面語同口語分別時, 佢只會叫我講返口語, 更諻論認字. 而家搞到我沮喪, 好似由細到大只係培養咗佢聽故事睇圖畫, 但幫助唔到佢對文字有興趣
首先想問媽媽你平時有冇拎書睇？
小朋友中意模仿大人，
佢見得多就會拎本書，唔好理佢明唔明，睇得多佢自然會想知本書講乜。
或者叫佢扮老師你做學生，叫佢教返你。