依家25週，前兩日去睇私家，醫生照超聲波話bb條臍帶繞住頸，不過好大機會會轉返出嚟冇事。
我見BB呢兩日踢得多左大力左，有少少擔心，有冇媽媽都試過bb臍帶纏頸，之後轉返出嚟既經驗可以分享一下？
幫推
1個讚
我果時都有纏,轉左幾圈佢自己走返出黎
可以睇多2週先
得閒同佢傾下計叫佢轉返出黎呀
1個讚
如果有唔尋常嘅肚痛就即刻睇醫生, 唔好忍
我37週去產檢果陣，醫生都話臍帶纏左一個圈，不過醫生話唔使太擔心，因為都普遍同埋bb有機會會自己轉返出嚟～ 
我最後上年12月順產生左啊b 出嚟！
加油
1個讚
留意胎動
第一胎29週同34週照過都話纏2圈，到順產出嚟，冇纏住咁出嚟，個胎仲細佢有機會轉轉下會解到，唔洗擔心，係去到好後期BB大隻冇乜位轉先擔心，到時醫生就會叫你留意BB胎動情況啦。
1個讚
照密啲！一個星期2次！
無謂自己嚇自己，買個安心都好！
遲啲轉返出嚟咪唔洗照咁密囉！
留意胎動, 我仔本身無纏, 但出世時有, 佢地轉黎轉去唔洗太擔心
聽到大家最後冇嘢都安心啲，會多啲留意下bb既胎動。
去到孕期中後D，醫生有話BB纏頸，勸我開刀生，本來一心諗住順產，比佢嚇一嚇，結果生之前都決定開刀，BB出世時醫生話真係有纏頸，為左咁捱一刀，免擔心，值得
前日28wk去照完超聲波，今次係纏左3個圈，仲多過之前
。
問醫生係唔係要開刀，佢話都可以順產，不過會危險啲。我係公立醫院生，如果去到後期都仲係繞住咁多，開刀既機會大唔大？
下，危險啲就梗係揀開刀啦，會唔會醫生誤會你好想順產先咁講呀？
我兩個B照結構時仲係臍帶纒頸, 生時就冇
BB好聰明, 唔舒服識得自己轉身呱
你擔心係正常
我之前都擔心
但其實擔心都冇乜用
産前檢查同醫生護士講下就ok
佢地識處理
你等週數大d去私家產檢個時如果再係纏3圈就叫醫生幫你寫紙，交去你要生個間公立follow埋，我建議到時2邊都照去產檢。你唔講嘅話到生個時公院唔會照都唔會知㗎。
我個BB大概係30週時開始有臍帶纏頸一圈，去到36週產檢時都話係一圈，但37週時忽然之間有解返開
我姑奶個懷孕中期都係愈來愈多圈，不過醫生話臍帶滑嘟嘟既其實無想像中咁危險，之後近產期個半月又真係解左啲，不過真係要日日留意佢有無郁，姑奶一早book左時間開刀所以早兩三週，出世係有少少纏不過問題不大。
而家你都仲有十個星期俾佢自己慢慢解唔使驚既