background:
哥哥兩歲半，妹妹一歲半，父母都係轉業人士，我半職湊仔，好鐘意帶仔女周圍去，湊仔親力親為。
正題：
同老婆傾床頭計，我話兩隻野好難教，哥哥唔聽指令，睇得出佢聽得明，但專登玩野做反方向。妹妹好惡死，成日蝦哥哥善良，見哥哥拎住咩玩都要搶，甚至出手打哥哥…
，哥哥遇到難題淨係識得喊，等人救…激死…
老婆話我最近成日鬧哥哥，又好少讚佢…佢見妹妹成日比人錫，於是成日學阿妹做野，但有d野bb做冇所謂，哥哥做就令人嬲…
問心，我好錫哥哥，佢性格最似我，好鐘意佢，佢都好跟我；妹妹唔跟我，因為我花好多時間喺哥哥到…，所以我好多時想多d搵阿妹玩…
我都唔想成日鬧哥哥，但佢做好多少動作令我好嬲嬲
，真係忍唔住要執佢一濟…唉…
你個問題有啲複雜，因為已經唔係一朝一夕做成，你地覺得哥哥專登玩野，其實係佢想引你地注意嘅一種方法，連你老婆都覺得你鍚呀妹多啲，其實小朋友都feel 到，尤其你二個年紀相差好少，哥哥好易有不安感，覺得妹妹搶左父母，加上妹妹成日蝦佢，佢更加想引父母注意。
你話哥哥淨係識喊，你地有冇教過佢要點做？例如妹妹打佢，你地會點做？我都有二個小朋友，我會教哥哥要叫停妹妹，叫佢no, 唔可以打人，如果妹妹唔聽，要同爸爸媽媽講，同時我有同哥哥講，妹妹仲細，佢唔知打你係唔岩，你要幫手教佢，咁哥哥就會知點樣處理。就算哥哥搞唔掂，佢識得叫妹妹no, 我都會讚佢，順手教多次妹妹，防止佢再打人。
我囡都好惡。成日蝦哥哥，但哥哥心底都好鍚妹妹，父母要盡量公平，其實哥哥都係得二歲半，仲係一個小朋友，但生左第二胎，父母不期然會想佢突然長大，對佢要求高左。同埋對住二個小朋友，耐性確實會分薄左，加油，小朋友再大啲就會好啲！
謝謝你！
你兩個差幾多？
我二個相差二年幾，所以都經歷緊你嘅問題，所以知道要小心處理，唔想哥哥同妹妹關係唔好
我哋成日覺得大嗰個，就已經係大個咗，唔再係BB
但係其實兩歲半，基本上仲係一個BB
唔應該繼續俾指令 哥哥
其實我好欣賞你，因為你會思考反省做父母之道，感覺你好鍾意對仔女，好難得呀！
其實兩個都好細，好多道理都唔明，仲有呢個年紀好難控制，而且兩個都未識得同人分享。
我兩個小朋友以前都系打架打大，到依家兩個上小學都有時有爭執，呢d系必經階段呀！慢慢教啦，小朋友唔會教一次就明，所有野都系反反复复，要大人不斷提醒。
我都系教小朋友過程中不斷學習，加油呀！
你上來咁問，已經係好老豆
就算係冇阿妹，2歲半本身係建立自我時期，書都講會講反話，而且3歲前內內在衝動強於理性（唔等於3歲馬上轉呀）更何況有阿妹，可能更加會’聽唔到’
唔知佢表達程度點，可以問佢點解唔做，又或嘗試講返其實佢想點但點解咁唔做得（有次我仔衝去爬上枱，我想罵，但忍住問佢想做乜，佢話想攞野俾我，因我剛找緊野）
我們角度佢係唔聽，好多時佢有理由只係唔識講，或佢有諗法，佢有內在需要未解決（比如佢拋野可能只係天性地知道身體需要用上肢力但冇機會用，用左在不能的地方），如果只用。佢唔聽指命。你一定會覺佢唔聽話，明白唔到佢。
可能俾選擇佢，網上好多都講
阿妹都係，呢個年紀见到人地手既野一定攞，攞唔到動手唔係想令人痛只係要果樣野，咁你地反應又點？一定係哥讓出？同2個有冇講明原則？比如，哥既野，哥在用，妹要就要等？（那怕哭）,或唔想俾妹既，直情唔好俾妹見到咁用？
最慘係假設哥大d要讓妹。最快到3歲半先會明下乜叫有d野大既先做到。所以有學者話2痼最好差3年，先顧到2個既成長需要。
你會反思已經係一個好爸爸有的條件。
首先，兩歲半好細，用多啲正面教育，越罵越多負面情緒影響。呢個年紀，你要讚佢做到啲乜，例如你想佢執玩具，不停叫，佢唔聽，跟住鬧，件事只會令佢更反感同反叛。
可以試吓話一齊鬥快將啲玩具帶佢哋返屋企（玩具箱)，鬥快將黃色玩具收藏 （收入玩具箱)等。慢慢俾時間佢越早越好，佢做到就讚，對妹妹一樣。
記住呢個年齡，要強化正面行為去改善你唔想嘅行為
我見到問題。
我兩個相差3年半，除非佢嘅歲數真係發展未做到，其他嘢一律一視同仁！無嘢係可以細嘅做得，大做就鬧。
其實哥哥都係得2歲半，仲係好細個，會唔會你都對佢有過高要求呢？
多謝大家，係嘅，我對哥哥要求真係太高，特別佢同期他朋友仔一齊玩，人地d 仔好似汪汪咁聽話…
其寶哥哥好叻，好有創作力（似我
），只係未識表達得好好。
小朋友下下鬧其實佢都好傷心…佢地好醒，其實知自己衰乜。下次試下佢做左衰野你淨係望住佢，唔出聲，一路望住佢，等佢自己開口講。呢招我分別對三個小朋友用過都WORK, 你可以試下。