嚟緊終於有屬於自己嘅屋企啦，但我同我先生想裝修下先入住，依加係構思階段，冇咩頭緒，唔知大家有冇咩經驗分享下呢 
首先想問問請驗樓師傅一齊去收樓收費幾多呢？大家有冇推介？
另外有一款仿木嘅瓷磚幾靚，但有人話佢缺點係會藏住啲污糟野，大家有冇用過呢隻磚呢？
依加樓咁貴，好多人都會造地台放多啲野，我同我先生就傾向買少啲野，唔造地台，因為肯肯定啲野塞咗入去十年都唔會拎出嚟用
（太懶），大家又點睇呢？
2個讚
如果二手樓應該睇下對上一次幾時裝修，如果不久前裝修，可能會粉飾漏水or其他問題。
不過我唔係內行人，等其他高高手答
1個讚
我都有聽過樓上廁所滲水滲到跌咗啲石屎落樓下… 所以想帶個師傅去篤下啲牆 
個人認為所謂的驗樓師是一個假專業, 搵一個有能力和經驗的裝修師博睇好過。
手工問題方面，如果不是太舊的樓, 一般睇下邊間發展商就會知三成情況。然後就係上網做下功課。最後在裝修前, 裝修師博應該同你分析邊 d 野要整同埋唔整會點。
另外經過長康邨事件, 都建議留意下 1) 來去水位有無改動 2) 排水設計是否安全。1) 最簡單的方法係睇下自己 d 出水位同附近單位有無不同。 2) 主要睇下有無氣喉同埋反虹吸管 (anti-siphonage pipe)
最理想的是坐廁、浴缸／企缸、地台去水口、洗碗盆或洗手盆等設施均有有效的水封, 但主要都係坐廁啦~
揀裝修師博時可以問下, 亦建議揀 d 有一些小型工程牌的。
3個讚
主要睇坐廁去水會唔會經過樓板 (i.e. 上層地板和下層天花)。好像說80-90 年代好興 lae 隻內藏式去水。如果去水係外牆去既就唔會。至於點目測敲打我就唔知 : )
1個讚
好呀 謝謝你
裝修真係好多學問…
我地買果時間屋有租客，睇唔到入面點，但最擔心就係啲漏水問題。所以就諗要唔要揾人一齊睇住收樓。不過我地都預咗會裝修嘅～
恭喜晒，我都係岩岩真正有自己屋企
彷木磚係咪地磚？我用緊果隻都係有紋，我覺得好易清潔，因為d紋都唔深。
1個讚
多謝多謝 
係呀有木紋嘅地磚～因為地磚唔怕濕水又唔會有白蟻，好似幾好咁。我唔太喜歡會反光嘅地磚
其實6299地下都係呢隻，有啲想抄佢地
不過都要考慮下budget嘅問題…
另外我有朋友係買啲彷木嘅膠墊貼，有少少軟身嘅，但我怕清潔上唔濕得水，我住潮濕地段可能會好易爛…
lm學嘢先
其實比你見到漏水都無得追（賣家一定唔會理你）。應該買之前睇清楚，千萬不要怕麻煩，就算有租客有d位都一定睇。所以你係咪都會裝修，就真係直接等裝修師傅睇就得啦，唔駛驗樓師。新樓話揾驗樓師係因為發展商係有保養期的。
我屋企都係用木紋磚（大陸cheap野）都幾好用，9年架啦。
2個讚
謝謝分享^^
當時問咗代理幾次話想睇下個單位，但最後都係傾唔掂，冇得睇，應該係個租客唔俾睇 
其實我都覺得好大風險…但當時最理想嘅盤就係佢個單位，就買咗…
所以我地應該收咗樓再揾裝修師傅一齊去傾下點執，因為收樓果日好多野原業主應該都唔會理我地 
本身我諗住如果有正常買家唔expect遇到嘅情況出現（如冧咗天花，漏水漏到塊牆霉爛），就同佢爭取一下。如果成間屋個狀態好好，我想慳返裝修錢添，哈哈。但都做咗最壞打算，好可能要大執…
係呀，我係想要呢啲木紋磚呀!!覺得呢啲款好warm!! 見大家都覺得易處理，又冇咩大問題，我諗我會都揀呢隻款^^thank you!!
唔睇樓都敢買 
多數諗住出租先唔睇樓都成交， 我遇過啲agent 知係自住， 直情唔會介紹。
不過都有朋友咁買都冇事， 講運氣
冧天花可能收埋喺假天花， 睇相睇唔到
完全同意上面嘅意見， 驗樓師係新樓先有用， 二手樓揾裝修師傅上報睇就得
木紋磚靚又好用， 只係貴啲（ 包括磚嘅數量、泥水師傅人工）。 個人意見係諗住長住就買靚啲， 地磚揀錯冇得換（ 除非大裝修）
1個讚
謝謝你意見^^
因為當時最好嘅盤係佢，而我地又諗定萬一好差就直接裝修，所以就買咗了
希望唔會太黑仔啦…
好多賣租樓盤都冇得睇樓架，好普遍。如果諗住收左樓自住點都要執，其實冇乜所謂。
有人住開有問題既機會相對少D，好少聽買二手樓會驗樓，如果五千蚊樓下平平地都OK既。如果唔係叫裝修幫眼睇下就算。
通常最常見問題係漏水，如果有租客住緊，即係業主唔會執啦，咁有漏水應該都睇得到既，牆身會有一條條水痕，牆身油會好似卜起咁。通常出現響水位，即係廁所或廚房，如果係由天花而落，有機會係樓上漏，叫返樓上執就得。如果係冷氣機位漏，有可能係外牆滲透，咁就叫管理處搞；如果只係冷氣機位裝得唔好而倒流，加防漏再線油就得。裝修會自己識搞。
仲有就係水電煤，水電好少有事，拉電線時師傅會CHECK；煤氣就叫煤氣公司上黎睇，舊樓有時會漏煤氣(通常係喉管老化)，有機會要拉過條喉，咁就要起地，所以裝修前要叫煤氣上黎睇，有事時可大裝修一次過搞。如果裝完修先知…都有方法既，不過係灰色地帶咁做，如果你裝修最好避免啦。
地磚真係強烈推薦木紋地磚。用過木地板，冬暖夏涼好舒服，如果有小朋友跌落地都冇咁痛。但係極易花，搬傢俬都可以整花。地磚就點玩都得，歷久常新。
其實依家好多裝修公司都好專業，佢地會比到好多意見你架。
3個讚
恭喜你呀!! 我都係剛入手上車盤，啱啱收到銀行打黎話批按揭～擔心左我成個月～6月中收樓，唔介意大家可以一齊交流下
1個讚
好詳細呀!!!多謝你呀
我到時會再留意下呢啲位
希望裝修過程順順利利
今個weekend去揾下裝修公司傾計先!!
恭喜你過咗按揭呢關呀!!
等佢批真係等到囉囉攣，批咗就可以放心準備其他野～～
你都係二手樓？
係呀～但我唔會大裝修，係油油，置家電。
1個讚
我睇到你個post好有青澀既感覺，唔係貶意黎，而係我覺得好可愛，令我諗返起自己買第一間樓既時候，又係好多野都唔識，都係上網睇資料，問前輩，儲下經驗。
我想講既係，大部份香港成交既樓宇買賣其實都係二手樓黎，下面係2020年1-3月既數字，比你做個參考。所以買二手樓會遇到既問題好多人都會預到，好多人都解決過，你放心即管問，一定好多人可以幫你。
一手買賣|626|1,016|619
二手買賣|2,136|2,556|3,251|
總 計|2,762|3,572|3,870|
1個讚
其實好騰雞，買樓真係一個好大嘅決定，好驚有咩行差搭錯…又好驚俾人呃 
所以真係要睇多啲問多啲爭取多啲，唔好怕問咗傻仔野 多謝你鼓勵呀<3