各位爸爸媽媽小學中學讀邊間嫁？有冇D乜嘢係抵死嘅。
我小學讀真光（我係爸爸），六年以來全班嘅男仔從來唔會超過五個，另外嗰2-30個全部係女仔。因為嗰個時代比較純真, 冇任何男女感情觀了，所以男仔絕對係地獄，不停俾人bully…
中學就讀培正。（其實對培正冇乜感情，但係想見到啲師弟妹同埋學校立場，好感動。）
我以為物以罕為貴添
而家呢個時代小朋友早熟就可能係。我嗰個時代係地獄。生不逢時
我小學讀嘉靈，記憶唔係好多，只記得成績好差，老師亦無話特別鍾意/討厭自己。
中學讀德貞同高雷，我讀德貞時成績依然好差，應該全班尾幾，我覺得德貞幾睇成績，所以老師都唔係好理自己，我亦有d自卑。
中三因為成績唔好，無得原校升，我記得嗰時好唔開心，有喊。去左高雷讀中四，考頭三名，老師易好重視自己，我亦開始努力讀書，可惜個底太差啦，所以會考都係好低分，不過如果一直系德貞我應該會考零分。
高雷改變左我，我寧願讀差學校最top嗰個，起碼有重視，自己亦有信心。
其實我覺得係唔係名校唔緊要。最緊要係適唔適合自己（或者自己個小朋友。）我個女都係一個例子，入咗個個都話好嘅英文課外活動學校，搞到佢冇心機讀英文。後來因為搬屋轉左第二間，佢而家會主動叫我老婆教佢同埋讀書比佢聽。
1個讚
李鄭屋&
美孚地利亞(8成新移民)啲同學大個都偏藍多
我覺得有小朋友之後 一定要識揀間合適學校 有得揀。 除左banding外 政見立場都好重要 汲及良知同價值觀 你唔想小朋友洗得腦多又要你矯正嘅話
1個讚
但係唔係咁多選擇