自己比較少上喺fb ig shop上網買野。
但身邊朋友好多入左啲供應商group, 有野就post.
好多時係賣衫，玩具。但發現愈來愈多係賣減肥藥、美容果啲…
我自己睇其實幾危險、我見佢地其實供應商比咩佢地就post咩、成份唔知、副作用唔知、買貨都俾payme比供應商就寄比你、單都冇。
萬一有人食左你賣既藥出事、對方唔認有賣比你咪出事？
所以要幫襯有信譽嘅鋪，私人嘅真係要諗諗，尤其是食落肚嘅野，藥物就更加要小心
我從來唔係ig/fb買食得落肚同埋用係面上嘅野，猶其係d不知名嘅品牌…幾年前開始已經有好多人出事了，買其他野就無防嘅~
衫褲鞋襪呢d都冇所謂嘅
1個讚
藥物點可以響網上商店買…
之前好多人賣日本藥
如果係eve果啲、好多香港人都會喺日本買嚟當成藥、起碼知係乜
但網上賣果啲美容野、減肥藥、真心唔會知道成份。水銀之類會唔會超標又唔知。
如果真係網店，都會有途徑攞到行貨。
但因為近年多左網購途徑，就開始類似傳銷手法咁，例如見賣家只賣一兩種貨，得減肥、豐胸2種，完全冇其他野賣，就預左佢只係大手入左批貨放售，冇特別經正式代理，俾錢就攞到嘅貨，最常見係減肥，一開始可能自己想買嚟自用，被賣家氹埋入貨⋯咁囉⋯
1個讚
我見d人賣大陸skincare, 傳奇今生唇膏果d…well
內行人話我聽，唔單止網上會售賣假貨，你去旺中潮特私人舖都大把假貨的，距地係淘寶拎貨再係香港扮正貨賣，一對假既new balance 夠膽係新之城賣八百幾蚊。。
其實好多減肥藥都係層壓式，又無來源證明，真係勁危險
都係、真假貨撈埋一齊賣我估都唔少。